ПАНИХИДА
Иерей: Благословен Бог наш всегда, ныне и присно, и во веки веков.
Хор: Аминь.
Мирная ектения
Глас 8: Аллилуия (трижды на каждый стих).
Стих 1: Блажени, яже избрал, и приял еси, Господи.
Стих 2: Память их в род и род.
Стих 3: Души их во благих водворятся.
Тропарь, глас 8.
Глубиною мудрости человеколюбно вся строяй / и полезная всем подаваяй./ Едине Содетелю, упокой, Господи души раб Твоих (душу раба Твоего, душу рабы Твоея) / на Тя бо упование возложиша // Творца и Зиждителя и Бога нашего. (дважды)
Слава, / и ныне: / Тебе и стену и пристанище имамы / и молитвенницу благоприятну к Богу // Егоже родила еси, Богородице Безневестная, верных спасение.
1.Благословен еси, Господи, / научи мя оправданием Твоим.
Святых лик обрете источник жизни и дверь райскую, / да обрящу и аз путь покаянием: / погибшее овча аз есмь, / воззови мя, Спасе, и спаси мя.
2. Благословен еси, Господи, / научи мя оправданием Твоим.
Агнца Божия проповедавше / и заклани бывше якоже агнцы / и к жизни нестареемей, святии / и присносущней преставльшеся, / Того прилежно, мученицы, молите, / долгов разрешение нам даровати.
3. Благословен еси, Господи, / научи мя оправданием Твоим.
В путь узкий хождшии прискорбный / вси в житии крест яко ярем вземшии/ и Мне последовавши верою, / приидите насладитеся / их же уготовал вам почестей, / и венцев небесных.
4. Благословен еси, Господи, / научи мя оправданием Твоим.
Образ есмь неизреченныя Твоея славы, / аще и язвы ношу прегрешений,/ ущедри Твое создание, Владыко, / и очисти Твоим благоутробием / и вожделенное отечество подаждь ми / рая паки жителя мя сотворяя.
5. Благословен еси, Господи, / научи мя оправданием Твоим.
Древле убо от несущих создавый мя / и образом Твоим Божественным почтый, / преступлением же заповеди / паки мя возвративый в землю, от нея же взят бых, / но еже по подобию возведи / древнею добротою возобразитеся.
6. Благословен еси, Господи, / научи мя оправданием Твоим.
Упокой, Боже рабов Твоих (раба Твоего, рабу Твою), / и учени их (его, ю) в раи / идеже лицы святых, Господи, / и праведницы сияют, яко святила,/ усопшия рабы Твоя (усопшаго раба Твоего, усопшую рабу Твою) упокой,/ презирая их (его, ея) вся согрешения.
Слава: / Трисиятельное Единаго Божества, благочестно поем вопиюще:/ Свят еси Отче Безначальный / Собезначальный Сыне и Божественный Душе / просвети нас верою Тебе служащих, / и вечнаго огня исхити.
И ныне: / Радуйся Чистая, Бога плотию Рождшая во спасение всех, / Ею же род человеческий обрете спасение / Тобою да обрящем рай, // Богородице Чистая, Благословенная.
Аллилуия, Аллилуия, Аллилуия. Слава Тебе, Боже. (трижды)
Седален, глас 5
Покой, Спасе наш, / с праведными рабы Твоя (раба Твоего, рабу Твою) / и сия (сего, сию) всели во дворы Твоя / якоже есть писано: / презирая яко Благ прегрешения их (его, ея) / вольная и невольная, // и вся яже в ведении и не в ведении, Человеколюбче.
От Девы возсиявый миру, Христе Боже, // сыны Света Тою показавый, помилуй нас.
КАНОН
ПЕСНЬ 1
Яко по суху пешешествовав Израиль, / по бездне стопами, / гонителя фараона / видя потопляема, // Богу победную песнь поим, вопияше:
После каждого ирмоса
Иерей: Покой, Господи, души усопших раб Твоих (душу усопшего раба Твоего, усопшей рабы Твоея).
Хор: Покой, Господи, души усопших раб Твоих (душу усопшего раба Твоего, усопшей рабы Твоея).
Иерей: Слава Отцу, и Сыну, и Святому Духу.
Хор: И ныне и присно, и во веки веков, аминь.
ПЕСНЬ 3
Несть Свят, / якоже Ты, Господи, Боже мой, / вознесый рог верных Твоих, Блаже, / и утвердивый нас на камени // исповедания Твоего.
После запевов малая ектения
Господи, помилуй. (2 раза)
Подай, Господи. (возлас) Господи, помилуй. Аминь.
Седален глас 6-й.
Воистину суета всяческая, / житие же сень и соние, / ибо всуе мятется всяк земнородный, / якоже рече писание: / егда мир приобрящем, / тогда во гроб вселимся, / идеже вкупе царие и нищии. // Тем же Христе Боже, преставльшияся упокой, яко Человеколюбец.
Слава, и ныне.
Всесвятая Богородице, / во время живота моего не остави мене, / человеческому предстательству не ввери мя, // но Сама заступи, и помилуй мя.
ПЕСНЬ 4
Христос моя сила, / Бог и Господь, честная Церковь / боголепно поет взывающи, // от смысла чиста, о Господе празднующи.
ПЕСНЬ 5
Божиим светом Твоим, Блаже, / утренюющих Ти души любовию озари молюся / Тя ведети, Слове Божий, / истиннаго Бога // от мрака греховнаго взывающа.
ПЕСНЬ 6
Житейское море / воздвизаемое зря напастей бурею,/ к тихому пристанищу Твоему притек вопию Ти: / возведи от тли живот мой, // Многомилостиве.
После запевов малая ектения
Господи, помилуй. (2 раза)
Подай, Господи. (возлас) Господи, помилуй. Аминь.
Кондак, глас 8
Со святыми упокой, / Христе, души раб Твоих (душу раба Твоего, душу рабы Твоея), / идеже несть болезнь, / ни печаль, / ни воздыхание, // но жизнь безконечная.
Икос
Сам Един еси Безсмертный, / сотворивый и создавый человека, / земнии убо от земли создахомся / и в землю туюжде пойдем, / якоже повелел еси создавый мя, и рекий ми, / яко земля еси и в землю отъидеши, // аможе вси человецы пойдем,
надгробное рыдание, творяще песнь: // Аллилуия, Аллилуия, Аллилуия.
На Пасху: Аще и во гроб снизшел еси Безсмертне, / но адову разрушил еси силу / и воскресл еси яко победитель, Христе Боже, / женам мироносицам вещавый: «Радуйтеся!», / и Твоим апостолом мир даруяй // падшим подаяй воскресение.
ПЕСНЬ 7
Росодательну убо пещь / содела Ангел, / преподобным отроком, халдеи же опаляющее / веление Божие, / мучителя увеща вопити: // «Благословен еси Боже отец наших»
ПЕСНЬ 8
Из пламени преподобным росу источил еси, / и праведнаго жертву водою попалил еси: / вся бо твориши, Христе, токмо еже хотети. // Тя превозносим во вся веки.
После запевов
Иерей: Богородицу и Матерь Света в песнех возвеличим.
Хор: Дуси и души праведных восхвалят Тя, Господи.
ПЕСНЬ 9
Бога человеком невозможно видети, / на Него же не смеют чини Ангельские взирати: / Тобою бо, Всечистая, явися человеком / Слово Воплощено, Его же величающе / с Небесными вои, // Тя ублажаем.
Катавасия: Бога человеком:
Чтец: Трисвятое по Отче наш:
Иерей: Яко Твое есть Царство:
Хор: Аминь.
Тропари, глас 4
Со духи праведных скончавшихся / души раб Твоих (раба Твоего, рабы Твоея) Спасе, упокой, // сохраняя их (ю, ю) во блаженной жизни, яже у Тебе Человеколюбче.
В покоищи Твоем, Господи, / идеже вси святии Твои упокоеваются, // упокой и души раб Твоих (раба Твоего, рабы Твоея) яко Един еси Человеколюбец.
Слава: Ты, еси Бог, сошедый во ад, и узы окованных разрешивый // сам и души раб Твоих (раба Твоего, рабы Твоея) упокой.
И ныне: Едина Чистая и Непорочная Дево, Бога без семени рождшая, // моли спастися душам их (его, ея).
ЕКТЕНИЯ ЗАУПОКОЙНАЯ
Господи, помилуй.(трижды)
Подай, Господи.
Иерей: Господу помолимся.
Хор: Господи, помилуй.
Аминь.
Иерей: Пресвятая Богородице, спаси нас.
Хор: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.
Иерей: Слава Тебе, Христе Боже, упование наше, слава Тебе.
Хор: Слава, и ныне. Господи, помилуй (трижды). Благослови.
Иерей: (отпуст)
Хор: Аминь.
Диакон (иерей): Во блаженном успении вечный покой подаждь, Господи, усопшим рабом Твоим[имярек], и сотвори им вечную память.
Хор: Вечная память (трижды).
Иерей: Господу помолимся.
Хор: Господи, помилуй.
Иерей: (Разрешительная молитва)
Хор: Аминь. Святый Боже, Святый Крепкий, Святый Безсмертный, помилуй нас, помилуй нас; Святый безсмертный, помилуй нас. Души их во благих водворятся и память их в род и в род.