Песнь 1
Ирмо́с: Триста́ты кре́пкия,/ Рожде́йся от Де́вы,/ безстра́стия во глубине́ души́ трича́стное потопи́, молю́ся,/ да Тебе́, я́ко в тимпа́не, во умерщвле́нии телесе́/ побе́дное воспою́ пе́ние.
Иису́су: Отве́рзи устне́ мои́, Го́споди, и просвети́ смысл мой омраче́нный,/ разреши́ ю́зу язы́ка моего́,/ я́ко да све́тле и ра́достне восхвалю́ до́бляго святи́теля Моисе́я, Твоего́ уго́дника.
А́ще и не кра́сно приноси́мое тебе́ пе́ние,/ но от усе́рдия приими́, о́тче, я́коже две ца́ты вдови́цы прия́т Христо́с,/ и не лише́на мя сотвори́ твои́х даро́в,/ и согреше́нием мои́м испроси́ проще́ние твои́ми к Бо́гу моли́твами.
Блага́го Бо́га подража́тель был еси́, преблаже́нне Моисе́е,/ милосе́рдие к ни́щим и любо́вь нелицеме́рну ко всем стяжа́в,/ помина́я и де́лом показу́я рече́нная:/ возлю́биши и́скренняго твоего́, я́ко сам себе́.
Богоро́дичен: Всепе́тая Богоро́дице,/ я́же Всеми́лостиваго Бо́га ро́ждшая,/ ду́шу мою́, омраче́нную бесо́вскими прило́ги, просвети́, Всенепоро́чная,/ и ума́ моего́ я́звы уврачу́й, и заступи́ мя,/ я́ко да по достоя́нию сла́влю Тя.
Песнь 3
Ирмо́с: Лук си́льных изнемо́же,/ и немощству́ющии препоя́сашася си́лою,/ сего́ ра́ди утверди́ся в Го́споде се́рдце мое́.
Го́спода своего́ во́лю сотвори́в, сугу́б тала́нт приобре́л еси́,/ сего́ ра́ди благи́й он слы́шшпи глас:/ до́брый ра́бе и ве́рный,/ вни́ди в ра́дость Го́спода твоего́.
Душе́вную чистоту́ стяжа́в,/ без нея́же никто́же у́зрит Го́спода, Моисе́е, о́тче наш,/ стра́сти окая́нныя души́ моея́ и сла́сти теле́сныя утоли́ моли́твами твои́ми.
Христу́ Бо́гу производя́щу тя на лу́чшая,/ мирска́я вся оплева́л еси́/ и, благи́й яре́м на ра́мо взем, усе́рдно Тому́ после́довал еси́.
Богоро́дичен: Живо́т ро́ждшая составны́й85, Де́во Всенепоро́чная,/ се́рдца моего́ стру́пы исцели́ хода́тайствы Твои́ми,/ е́же к Сы́ну Твоему́, Богоблагода́тная.
Песнь 4
Ирмо́с: Любве́ ра́ди, Ще́дре, Твоего́ о́браза/ на Кресте́ Твое́м стал еси́,/ и раста́яшася язы́цы:/ Ты бо еси́, Человеколю́бче,/ кре́пость моя́ и хвале́ние.
Зе́льных ра́ди поще́ний, и моли́тв непреста́нных, и чистоты́ серде́чный/ всели́ся в тя Христо́с, преблаже́нне святи́телю Моисе́е,/ на Него́же наде́жду всю возложи́л еси́.
Земна́я отри́нув, Небе́сная насле́довал еси́,/ от си́лы бо в си́лу восходя́, к преми́рному Ца́рствию пресели́лся еси́,/ иде́же терпе́ния ра́ди твоего́/ угото́вася ти вене́ц нетле́нный и ве́чное весе́лие.
Изволе́нием Бо́жиим и избра́нием по́стников сосло́вия/ па́стырь поставля́ешися и наста́вник, и́же ко спасе́нию,/ вводя́ ста́до твое́ во огра́ду Небе́сную.
Богоро́дичен: И ражда́еши, и де́вствуеши, Де́во Всенепоро́чная,/ иску́са бо му́жеска не прие́мши, родила́ еси́ Бо́га воплоще́нна,/ Его́же моли́ о пою́щих Тя.
Песнь 5
Ирмо́с: Ты, Го́споди, мой Свет,/ в мир прише́л еси́,/ Свет Святы́й, обраща́яй из мра́чна неве́дения/ ве́рою воспева́ющий Тя.
Кре́пко вооружи́вся на неви́димый враги́,/ я́коже тве́рдый адама́нт, вы́я их сокруши́л еси́,/ го́рдостная шата́ния утоли́л еси́, Го́споду тя прославля́ющу.
От лука́вых бесо́в ла́яния ста́до твое́ сохраня́я,/ и́стиннаго Па́стыря – Христа́ – и́стинный учени́к был еси́, святи́телю Моисе́е,/ сего́ ра́ди избра́нием первосвяти́теля Петра́/ наме́стник блаже́ннаго святи́теля Иоа́нна в це́ркви Прему́дрости Бо́жия устроя́ешися.
Ми́лостивно наказу́я, о́тче, о Христе́ поруче́нное тебе́ ста́до,/ упа́сл еси́ на па́житех зако́на живоно́снаго:/ тобо́ю бо о́браз показа́л еси́, возвеща́я путь ко спасе́нию/ и е́же от злых премене́нию.
Богоро́дичен: На́шего спасе́ния Хода́таица Ты яви́лася еси́, Всенепоро́чная,/ ду́шу мою́ окая́нную изба́ви бесо́вскаго мучи́тельства/ и пода́ждь прегреше́нием очище́ние:/ ра́зве бо Тебе́, раби́ Твои́, не и́мамы помо́щницы.
Песнь 6
Ирмо́с: Да не погрузи́т мене́ бу́ря водна́я,/ ниже́ да пожре́т мене́ глубина́,/ отве́ржен бо есмь/ во глубины́ се́рдца морска́го зол мои́х./ Тем ззову́, я́ко Ио́на:/ да взы́дет от тли зол живо́т мой/ к Тебе́, Бо́же.
Зли́и челове́цы приидо́ша ко оби́тели,/ в не́йже твое́ честно́е те́ло положе́но бысть, святи́телю Моисе́е,/ не ве́дуще, я́ко ты заступа́еши ста́до твое́ и по отше́ствии твое́м от жития́ твоего́,/ ты же, еди́наго коего́ждо их, ми́лостивно наказа́в,/ на путь пра́вый наста́вил еси́.
Почто́ совеща́етеся, зли́и,/ ка́ко дерзну́ете умы́слити зла́я на оби́тель мою́? – святи́тель Моисе́й глаго́лаше./ Или́ не ве́сте си́лы непобеди́маго воево́ды Госпо́дня, вели́каго Арха́нгела Михаи́ла?/ А́ще не пока́етеся, то вси зде лю́те поги́бнете./ Они́ же, с пла́чем и слеза́ми пока́явшеся тебе́/ и ви́девше тя, моля́щася о них,/ Бо́гу хвалу́ возсыла́ху.
Ра́зум от Бо́га прии́м,/ благочести́выя па́че приводя́ к благоразу́мию,/ нечести́вым же уста́ загражда́я, Моисе́е святи́телю:/ го́рдостнаго бо епи́скопа, бы́вша во оби́тели твое́й и уничижи́вша тя,/ ума́ отъя́тием смири́в, во святи́тельстве непотре́бна сотвори́л еси́.
Богоро́дичен: Святе́йшая Херуви́м и Серафи́м яви́лася еси́, Пречи́стая,/ Зижди́теля бо их несказа́нно родила́ еси́, не опа́льшися огне́м Божества́,/ и ны́не блажа́т Тя вси ро́ди, я́коже прорекла́ еси́, Всепе́тая.
Конда́к, глас 3:
Я́ко венце́м пресве́тлым украси́вся днесь, вели́кий Но́вгра́д/ лику́ет в па́мять па́стыря своего́ и учи́теля,/ и, я́ко диади́му ца́рскую возложи́вши,/ честна́я о́на оби́тель све́тло ра́дуется:/ просла́ви бо тя Бог, уго́дника Своего́,/ и прояви́ после́днему ро́ду на́шему цельбоно́сныя мо́щи твоя́,/ святи́телю Моисе́е,/ Це́рковь же Бо́жия весели́тся,/ созыва́ющие и́нок сосло́вие велегла́сно вопи́ти:/ ра́дуйся, гра́ду твоему́ и оби́тели похвало́/ и всея́ Росси́йския страны́ пресве́тлый свети́льниче.
И́кос:
Я́ко из мра́чна о́блака пресве́тлая звезда́ возсия́,/ та́ко ны́не от вели́каго Но́вагра́да/ Небе́снаго Ца́рствия граждани́н произы́де, вели́кий Моисе́й,/ и всех озари́ чуде́с луча́ми,/ и́же с ве́рою приходя́щих к нему́ и честны́я его́ мо́щи чту́щих. Те́мже и мы днесь серде́чною любо́вию ве́рно возопии́м:/ ра́дуйся, я́ко от мла́дости Бо́гу порабо́тал еси́;/ ра́дуйся, я́ко мирска́я вся оплева́л еси́./ Ра́дуйся, я́ко Христо́в яре́м на ра́мо взем, усе́рдно Тому́ после́довал еси́;/ ра́дуйся, я́ко вруче́нное тебе́ ста́до до́бре упасл еси́./ Ра́дуйся, я́ко престо́лом наме́стник быв блаже́ннаго Иоа́нна,/ того́ стопа́м после́довал еси́;/ ра́дуйся, Прему́дрости Бо́жия престо́л украси́вый./ Ра́дуйся, чудесы́ град свой озари́вый;/ ра́дуйся, ни́щих и а́лчущих пита́телю./ Ра́дуйся, сирота́м печа́льным и вдови́цам утеше́ние;/ ра́дуйся, я́ко спасл еси́ му́жа,/ от потопле́ния водна́го погря́знути уже́ хотя́ща./ Ра́дуйся, я́ко того́же сохрани́л еси́ от иноплеме́нных разбо́йник;/ ра́дуйся, засту́пниче гра́ду твоему́ и всем, живу́щим в не́м,/ и моли́твенниче те́плый ко Влады́це Христу́ Бо́гу./ Ра́дуйся, па́стырю до́брый, во все́м подража́яй Влады́це твоему́,/ Его́же моли́ о чту́щих святу́ю па́мять твою́,/ да вси в весе́лии се́рдца вопие́м ти:/ ра́дуйся, святи́телю Моисе́е, вели́кому Но́вугра́ду похвало́/ и всея́ Росси́йския зземли́ пресве́тлый свети́льниче.
Песнь 7
Ирмо́с: Спасы́й огни́ авраа́мския Твоя́ о́троки/ и халде́и уби́в,/ я́же Пра́вда пра́ведно уловля́ше,/ препе́тый Го́споди,/ Бо́же оте́ц на́ших, благослове́н еси́.
Терпе́ния ра́ди твоего́ и му́жества/ возлюби́ тя И́же над все́ми су́щий Бог/ и чудесы́ обогати́л тя есть, пою́ща:/ препе́тый Го́споди, Бо́же оте́ц, благослове́н еси́.
Устроя́ет тя Госпо́дь Це́ркви Свое́й архиере́я,/ слове́сным овца́м па́стыря всеизря́дна,/ ты же, прему́дре Моисе́е, святи́тельства па́ству прии́м,/ в бо́льший по́двиги вда́лся еси́, Христо́ви поя́:/ препе́тый Го́споди, Бо́же оте́ц, благослове́н еси́.
Уже́ погря́знути хотя́ше во глубине́ во́дней,/ его́же ты, святи́телю, а́бие от потопле́ния спасл еси́,/ под ру́це подъе́мля и держа́, до́ндеже па́ки прия́ша его́ в ладию́,/ та́кожде и мене́, погря́знути хотя́ща в ти́не беззако́ний мои́х,/ спаси́, и соблюди́, и умоли́ Влады́ку Христа́,/ да прии́мет мя в ве́чныя жи́зненный кро́вы, пою́ща:/ препе́тый Го́споди, Бо́же оте́ц, благослове́н еси́.
Богоро́дичен: Фарисе́йскаго бу́яго киче́ния ненави́дети ми сотвори́, Богоро́дице,/ и мытаре́ву смире́нию поревнова́ти сподо́би,/ умоли́, Его́же родила́ еси́, Христа́,/ да просвети́т ду́шу мою́ омраче́нную и лю́таго паде́ния изба́вит,/ я́ко да во явле́нии сла́влю Тя, Всенепоро́чная, Сы́ну Твоему́ вопия́:/ препе́тый Го́споди, Бо́же оте́ц, благослове́н еси́.
Песнь 8
Ирмо́с: Ру́це распросте́р, Дании́л/ львов зия́ния в ро́ве затче́;/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:/ благослови́те, вся дела́ Госпо́дня, Го́спода.
Храм Свято́му Ду́ху, святи́телю Моисе́е, сотвори́л,/ и сам во оби́тель Тому́ был еси́,/ те́мже и нас моли́твами твои́ми селе́ния Ему́ соде́лай/ и от вся́ких напа́стей и озлобле́ния изба́ви,/ я́ко да пое́м в ра́дости се́рдца:/ благослови́те, вся дела́ Госпо́дня, Го́спода.
Отве́рзи нам ра́йский вход моли́твами твои́ми, святи́телю Моисе́е,/ и не пре́зри нас в ско́рбех мно́зех,/ тебе́ бо засту́пника гра́ду твоему́ живу́щии в нем, и́мамы,/ я́ко да в ра́дости се́рдца пое́м:/ благослови́те, вся дела́ Госпо́дня, Го́спода.
Царю́ Небе́сному Влады́це и Бо́гу моля́ся,/ гряду́щаго ку́плю де́яти от потопле́ния и от разбо́йник спасл еси́,/ по́мощь име́я и заступле́ние Бо́жия Ма́тере;/ той бо не ве́дяше, кто есть спаса́яй его́,/ до́ндеже ты, святи́телю Моисе́е, яви́вся ему́ в то́нце сне, сказа́л еси́,/ я́ко тобо́ю сотвори́ Бог избавле́ние ему́,/ и запове́дал еси́ сотвори́ти покро́в на честне́й ра́це твое́й./ Он же в ра́дости повеле́нная тобо́ю сотвори́, поя́ Го́сподеви:/ благослови́те, вся дела́ Госпо́дня, Го́спода.
Богоро́дичен: Чи́стая и Сла́вная Влады́чице, Ма́ти Бо́га Вы́шняго,/ щедро́ты низпосли́ нам от неистощи́мых сокро́вищ Твои́х/ и пода́ждь в ну́ждах терпе́ние, да в весе́лии пое́м:/ благослови́те, вся дела́ Госпо́дня, Го́спода.
Песнь 9
Ирмо́с: Ка́мень нерукосе́чный/ от несеко́мыя горы́, Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́./ Тем, веселя́щеся, Тя, Богоро́дице, велича́ем.
Ше́ствовати нас сотвори́ во след сохрани́вших за́поведи Бо́га на́шего,/ и спаси́ моли́твами твои́ми, святи́телю Моисе́е, па́стырю и учи́телю наш,/ от всех зол, находя́щих на ны,/ и наста́ви на путь живота́, моля́ся о нас Человеколю́бцу Бо́гу и Спа́суу́ душ на́ших.
Ще́драго Человеколю́бца Бо́га моли́ о нас, па́стырю наш до́брый,/ тезоимени́тый Богови́дцу, святи́телю Моисе́е:/ и́мать бо послу́шати Ма́тере Своея́, Засту́пницы гра́да на́шего,/ и твои́х пречестны́х моле́ний и поми́лует нас.
Ле́гко, я́коже оре́л крило́ма, на Небе́сную высоту́ дости́гл еси́/ и терпе́ния и чи́стаго ра́ди жития́ твоего́ по́честь прия́л еси́ от Мздовоздая́теля,/ и ны́не Госпо́дь яви́ нам цельбоно́сныя мо́щи твоя́,/ точа́щия исцеле́ния с ве́рою приходя́щим./ Те́мже мо́лим тя, святи́телю Моисе́е:/ помяни́ нас, и́же ве́рою чту́щих тя и достодо́лжно ублажа́ющих тя.
Богоро́дичен: Из пречи́стых ложе́сн Твои́х про́йде у́мное Со́лнце, Богоро́дице,/ просвеща́я и́же во тьме седя́щих, омраче́нныя неве́дением,/ и приводя́ к све́ту Богоразу́мия,/ страда́вшим Его́ ра́ди нетле́нныя венцы́ подава́я и ве́чное ра́дование./ Его́же моли́ о нас, Влады́чице, не лиши́ти нас десна́го стоя́ния в час испыта́ния,/ да Тя вси велича́ем.
Свети́лен:
Ско́ро предвари́, святи́телю Моисе́е, ве́рным побо́рниче,/ и Христа́ Бо́га умоли́ просвети́ти иноплеме́нный язы́ки,/ да навы́кнут сла́вити Святу́ю Тро́ицу;/ нас же, чту́щих твою́ святу́ю па́мять, спаса́й от вся́каго зла.
Сла́ва, и ны́не, Богоро́дичен:
Всеблага́я Влады́чице,/ я́же Ще́драго Бо́га пло́тию ро́ждшая,/ поми́луй нас, озло́бленных прило́ги лука́ваго,/ и устра́ншихся за́поведей Сы́на Твоего́ и Бо́га на́шего,/ и греху́ порабо́тивших себе́,/ Свои́м хоте́нием привлецы́, Пречи́стая, к повеле́нием Бо́жиим/ и не лиши́ нас ве́чнаго наслажде́ния моли́твами Твои́ми.
На хвали́тех стихи́ры на 4, глас 8:
Неукло́нно, преблаже́нне, путь жи́зненный ше́ствовал еси́,/ по́стническими боре́нии вся плотска́я мудрова́ния умертви́л еси́,/ кра́сная ми́ра оста́вил еси́,/ Небе́сную красоту́ возлюби́л еси́,/ иде́же со А́нгелы лику́еши,/ святи́телю Моисе́е,/ моли́ спасти́ся душа́м на́шим.
В ю́ности целому́дрие стяжа́л еси́,/ в ста́рости ра́зум обостри́л еси́,/ ду́шу пресве́тлу сотвори́л еси́,/ архиере́йства сан восприя́л еси́,/ це́рковь добро́тами украси́л еси́,/ сего́ ра́ди тя почита́ем, святи́телю Богому́дре,/ ты же не преста́й моля́ся о творя́щих па́мять твою́.
Собери́теся, празднолю́бцы,/ днесь в па́мять Моисе́я святи́теля,/ и сию́ ку́пно вси торжеству́йте:/ се бо благоче́стия подража́тель/ и о ста́де свое́м те́плый моли́твенник,/ Росси́йския страны́ удобре́ние,/ вели́кому же Но́вугра́ду похвала́ и утвержде́ние,/ к нему́же возопии́м:/ святи́телю, моли́ Христа́ Бо́га/ о чту́щих святу́ю па́мять твою́.
Сла́ва, глас 6:
О́трок яви́лся еси́ смире́н,/ беззло́бием украша́лся,/ сего́ ра́ди Христо́с Бог овца́м Свои́м па́стыря тя поста́ви,/ я́ко неисче́тно бога́тство Свои́х даро́в/ яви́ тя вели́кому Но́вугра́ду,/ обурева́емым в ско́рбех ти́хое приста́нище./ И ны́не, святи́телю Моисе́е,/ не премолчи́, вопия́ за ны ко Го́споду.
И ны́не, Богоро́дичен:
Богоро́дице, Ты еси́ лоза́ и́стинная,/ возрасти́вшая нам Плод Живота́,/ Тебе́ мо́лимся:/ моли́ся, Влады́чице, со святи́телем Моисе́ем/ поми́ловати ду́ши на́ша.
Славосло́вие вели́кое и отпу́ст.
На литурги́и слу́жба святи́тельская.
Моли́тва
О свяще́ннейший о́тче, святи́телю Христо́в Моисе́е, па́стырю и учи́телю наш, не отри́ни нас, с ве́рою притека́ющих к моще́м твои́м и твоему́ заступле́нию и те́плою моли́твою тя призыва́ющих, но ско́ро потщи́ся помоли́тися Царю́ ца́рствующих и Го́споду госпо́дствующих, да изба́вит ста́до Свое́ от волко́в, гу́бящих е, и вся́ку страну́ христиа́нскую огради́ и сохрани́ святы́ми твои́ми моли́твами от мирска́го мяте́жа и тру́са, наше́ствия иноплеме́нник и междоусо́бныя бра́ни, от гла́да же и губи́тельства, пото́па, и меча́, и огня́, и напра́сныя сме́рти, и, я́коже поми́ловал еси́ гряду́щаго ку́плю де́яти от потопле́ния и от разбо́йников, спасл еси́ святу́ю оби́тель твою́, та́ко поми́луй и нас, умо́м, сло́вом и де́лом во тьме грехо́вней су́щих, и изба́ви нас гне́ва Бо́жия и ве́чныя ка́зни, я́ко да твои́м хода́тайством и по́мощию, Свои́м же милосе́рдием и благода́тию, Христо́с Бог ти́хое и безгре́шное житие́ даст нам пожи́ти в ве́це сем и изба́вит нас шу́ияго стоя́ния, сподо́бит же десна́го со все́ми святы́ми. Ами́нь.
Святитель Моисей, архиепископ Новгородский (1325–1330, 1352–1359)
В миру Митрофан, был сыном богатых и благочестивых горожан, жителей Новгорода. С малых лет он возлюбил Господа. Научившись грамоте, мальчик постоянно читал Священное Писание и часто посещал храм Божий. В отрочестве он тайно ушел из родительского дома в Тверской Отрочь монастырь и там принял иноческий постриг с именем Моисей. Юный инок пребывал в неизменном послушании и молитве, строго соблюдая посты и проявляя редкостное смирение. Родители и родственники, после долгих поисков нашедшие юношу, упросили его перейти в более близкий к Новгороду монастырь. Юноша переселился в Колмов монастырь к благочестивому игумену Макарию. Здесь он усугубил свои подвиги.
Через некоторое время инок Моисей был рукоположен архиепископом Новгородским Давидом (1309 – 1324) во иеромонаха, а затем возведен в сан архимандрита и назначен настоятелем Новгородского Юрьева монастыря.
В 1325 году, после кончины архиепископа Давида, архимандрит Моисей, избранный его преемником, был хиротонисан в Москве святителем Петром (†1326; память 21 декабря) в сан архиепископа. В трудное время пришлось управлять Новгородской кафедрой святителю Моисею: неоднократные пожары опустошали Новгород с его многочисленными храмами; народные волнения, сопровождавшиеся грабежами, держали всех в страхе; угрожали набегами татаро-монгольские захватчики, преследующие непокорных им князей. Несмотря на эти неблагоприятные обстоятельства, святитель Моисей украшал Новгород храмами Божиими; так, в 1327 году он построил церковь во Имя Пресвятой Богородицы в Десятинском монастыре, украсил ее святыми иконами и снабдил книгами.
Свою жизнь святитель Моисей проводил в строгом воздержании. К бедным был милосерд и сострадателен: помогал обиженным, заступался за вдов, вразумляя их притеснителей, и многих исправил своими увещаниями. Святитель отличался особенной любовью к духовному просвещению. По его благословению были собраны писцы, которые переписали множество книг, главным образом Богослужебных. Одно из Евангелий, писанных по распоряжению святителя Моисея в 1355 году, находится в собрании рукописей Синодальной библиотеки (ныне в Государственном Историческом Музее), другое хранится в ризнице Новгородского Софийского собора.
Душа святителя искала иноческого уединения. После пяти лет святительства, в 1330 году, он удалился в Колмов монастырь и там принял схиму. Спустя еще пять лет святитель переселился в пустынное место на противоположный берег реки Волхова и основал там Деревяницкий монастырь с каменным храмом в честь Воскресения Господня. Но не укрылся и здесь этот светильник от людских взоров: бояре и простые люди приходили к схимнику за наставлениями и назидались его добродетельной жизнью. Так прошло более 20-ти лет.
После кончины архиепископа Василия (1331 – 1352), святитель Моисей в 1352 году по настоятельным просьбам новгородцев вновь принял на себя управление обширной епархией. В том же году он построил каменный храм в честь Успения Богоматери, что на Болотове.
В 1354 году Константинопольский Патриарх Филофей (1354–1355, 1362–1376) в знак глубокого почитания святителя Моисея разрешил ему пользоваться древним преимуществом Новгородских святителей – носить крестчатые ризы, которые и прислал сам. Он также позволил святителю Моисею непосредственно обращаться к Константинопольскому Патриарху.
Семь лет продолжалось вторичное святительство архиепископа Моисея, ознаменовавшееся строительством многих церквей в Новгороде и его окрестностях. Попечением святителя Моисея в 1355 году был устроен монастырь в местности, называемой Сковородкой, с каменным храмом в честь святого Архистратига Божия Михаила; в 1357 году построены храмы еще в трех монастырях: в Радоговицах при Волотовском Успенском храме, в Духовом монастыре и в женском монастыре во имя святого апостола Иоанна Богослова.
Стремясь к уединению, святитель Моисей в 1358 году удалился на покой в построенный им Сковородский монастырь. Но Бог еще раз призвал святителя к деятельности. В год удаления его с архиепископии, по случаю смены посадника, в Новгороде вспыхнула смута: мятежники умертвили многих бояр, разрушили Волховский мост; три дня стояли друг против друга жители Торговой и Софийской сторон, готовясь вступить в ожесточенную схватку. Тогда явился из своего уединения старец-святитель; с крестом в руках, окруженный духовенством, он встал на остатках разрушенного моста, посреди враждующих сторон, благословил их и сказал: «Дети! Не поднимайте брани, не вступайте в бой! Да не будет святым церквам и месту сему пустоты!» Растроганные новгородцы послушались святителя Божия, и мятеж утих. Возвратясь в Сковородскую обитель, святитель еще два года был образцом смирения и благочестия для собранной им братии.
Блаженная кончина святителя Моисея последовала 25 января 1362 года. Он был погребен в Сковородском монастыре с великой честью, при всенародном плаче. Память его чтили еще в XV веке. В описании 1634 года сказано: «Прославлен от Бога чудесы при животе и по смерти, и прибегающий с верою к честным его мощам мужие и жены почерпают здравие, наипаче же жены исцелевают, одержимые своими естественными немощами».
19 апреля 1686 года были обретены нетленные мощи святителя Моисея, положенные в особой раке. В 1782 году попечением митрополита Новгородского Гавриила (1775 – 1800) в Сковородском монастыре была устроена новая бронзовая рака и переложены в нее мощи святителя.
Житие святителя Моисея написано, по благословению святителя Новгородского Ионы (1459 – 1470), иеромонахом Пахомием Логофетом.