Песнь 4:
Ирмос: Христос моя сила, Бог и Господь, честная Церковь боголепно поет взывающи, от смысла чиста о Господе празднующи.
Слава Господи, Святому Воскреснию Твоему.
Древо процвело есть Христе, истинныя жизни: Крест бо водрузися, и напоен быв кровию и водою от нетленнаго Твоего ребра, живот нам прозябе.
Слава Господи, Святому Воскреснию Твоему.
Не ктому змий мне ложне обожение подлагает: Христос бо Богоделатель человеческаго естества, ныне невозбранно стезю живота мне отверзе.
Пресвятая Богородица, спаси нас.
Яко воистинну неизвещанна и непостижима, яже Твоего Боголепнаго Богородице суть Рождества, сущим на земли и на Небеси, Приснодево, таинства.
Ин канон:
Слава, Господи, Кресту Твоему Честному и Воскресению.
Честный Крест Твой почитаем, и гвозди Христе, и святое копие с тростию, венец иже от терний, имиже от адова истления избавихомся.
Слава, Господи, Кресту Твоему Честному и Воскресению.
Гроб, Спасе, Тя подъят волею мертва о нас явльшагося, но никакоже возможе Слове, удержати: яко Бог бо воскресл еси, спасая род наш.
Пресвятая Богородица, спаси нас.
Богородительнице Приснодево, Спаса Христа человеком рождшая, от бед и мук избави нас, прибегающих верою к Божественному покрову Твоему.
Ин канон:
Пресвятая Богородица, спаси нас.
Поем, Пречистая, Тебе Всенепорочную, иже Тобою спасшиися, и благочестно поюще взываем: Благословенна, яже Бога, Приснодево, рождшая.
Пресвятая Богородица, спаси нас.
Свет незаходимый, Дево, родила еси, сущим во тьме жития, плотию светящ, Всеблаженная, и поющим Тя, радость, Приснодево, источила еси.
|
|
Слава:
Благодать процвете, закон преста, Тобою, Всесвятая: Ты бо, Чистая, родила еси Господа, подающаго нам, Приснодево, оставление.
И ныне:
Мертва мя показа сада вкушение, жизни же древо из Тебе явльшееся, Лречистая, воскреси, и райския сладости наследника мя устрои.
Катавасия: Седяй в славе на престоле Божества, во облаце легче, прииде Иисус пребожественный, нетленною дланию, и спасе зовущая: слава, Христе, силе Твоей.
Песнь 5:
Ирмос: Божиим светом Твоим, Блаже, утренюющих Ти души любовию озари, молюся, Тя ведети Слове Божий, истиннаго Бога, от мрака греховнаго взывающа.
Слава Господи, Святому Воскреснию Твоему.
Уступают мне херувими ныне, и пламенное оружие, Пладыко, плещи мне дает, Тя видевше, Слове Ббожий, истиннаго Бога, разбойнику путь сотворшаго в рай.
Слава Господи, Святому Воскреснию Твоему.
Не ктому боюся, еже в землю, Владыко Христе, возвращения: Ты бо от земли мя возвел еси забвенна, благоутробия ради многаго, к высоте нетления Воскресением Твоим.
Пресвятая Богородица, спаси нас.
Иже Богородицу Тя от души, Владычице мира, Благая, исповедающих спаси: Тебе бо предстательство непоборимое имамы, истинную Богородительницу.
Ин канон:
Слава, Господи, Кресту Твоему Честному и Воскресению.
Снедию древа во едеме прельстивыйся в тлю поползе родоначальник, преслушавый, Господи, заповеди Твоя, Преблагий: но сего Крестом паки возвел еси в первую доброту, послушлив Отцу Спасе бывый.
Слава, Господи, Кресту Твоему Честному и Воскресению.
Твоею смертию, Блаже, смерти потребися держава, источник жизни нам источи, и безсмертие даровася: сего ради погребению Твоему и Воскресению верою покланяемся, имже яко Бог мир весь просветил еси.
|
|
Пресвятая Богородица, спаси нас.
Живый на Небесех и Творец всех Господь, во Твою, Всенепорочная, вселися неизреченно утробу, прославивый Тя превышшую Небес, и Святейшую чинов невещественных: темже ныне иже на земли Тя ублажаем.
Ин канон:
Пресвятая Богородица, спаси нас.
Чистотою возсиявши светло Божественное пребывание Владыки, Всепетая, была еси. Ты бо едина Мати Божия явилася еси, во объятиих яко Младенца сего носивши.
Слава:
Носящи доброту умную, краснейшия Твоея души, Невеста Божия была еси, запечатствована девством, Чистая, и светом чистоты мир просвещающи.
И ныне:
Да рыдает собрание злочестивых, не проповедающих Тя яве Чистую Богоматерь: ты бо врата Божия света явилася еси нам, мрак прегрешений разгоняющи.
Катавасия: Ужасошася всяческая о Божественной славе Твоей: Ты бо, неискусобрачная Дево, имела еси во утробе над всеми Бога, и родила еси безлетнаго Сына, всем воспевающим Тя мир подавающая.
Песнь 6:
Ирмос: Житейское море воздвизаемое зря напастей бурею, к тихому пристанищу Твоему притек вопию Ти: возведи от тли живот мой, Многомилостиве.
Слава Господи, Святому Воскреснию Твоему.
Распинаемь Владыко, гвоздьми убо клятву юже на нас потребил еси: копием же прободаемь в ребро, адамово рукописание растерзав, мир свободил еси.