Молитва ко Пресвятой Богородице пред иконою Ея Державною




АКАФИСТ Пресвятой Богородице в честь иконы Ея Державная

КОНДАК 1

Взбранной Воеводе победительная, милостивым покровом Своея благодати защищаеши Землю нашу Российскую, даби знали людие Твоя, яко Господь не оставил нас, но даровал Тя Владычицей, даби правила Уделом Своим – Землею Русскою, до прихода Бога нашего Иисуса Христа, Ти же Преблагословенная Заступнице всех с верою под Державный Твой покров притекающих, от всяких нас бед свободи, да зовем Ти: Радуйся, Мати Божия Державная, милостивая Владычице Земли Российския.

ИКОС 1

Ангелов множество и вся Небесныя Воинства славословят Тя, Пресвятая Богородице, яко по предстательству скорбящаго Помазанника Божия Государя Всероссийского Николая Второго, и непрестанным молениям его не оставил Господь вдовствующей Державу Российскую без милости Своея. И явил еси Господь на радость всем икону Владычицы Державней, яко знамение милости Божией к избранному народу Русскому, ми же благодарственно вопием Ти сицевая:

Радуйся, милосердная заступнице Земли Российския,

Радуйся, явлением иконы Твоея Державныя верных спасающая,

Радуйся, знамение Божие иконой Державней явившая,

Радуйся, Владычице на радость всем дарованная,

Радуйся, о Тебе торжествует весь Ангельский чин,

Радуйся, милости Божией Подательнице,

Радуйся, Мати Божия Державная, милостивая Владычице Земли Российския.

КОНДАК 2

Видяще, Всенепорочная Матерь Божия, скорбныя воздыхания и муки верных рабов Твоих, яко вера Христова нечестивыми поругаема, да тии вороги чужеземнии, возжигая зловерие в людиях немощных, тщатися погубити Русь Святую, православящую Сына Твоего и Бога нашего, тако благоволила еси явити благочестивей Евдокии чудесныя знамения об иконе Своея Державней, явленней в Государевом селе Коломенском. Да вси христолюбивия людия усердно молятся пред нею о спасении Святой Руси, верно вопиюще Богу: Аллилуиа, Аллилуиа, Аллилуиа.

ИКОС 2

Разуму нашему просвящение свыше исходатайствуй, Пресвятая Богородице, да познаем, что есть воля Божия о чудных знамениях по иконе Твоея, тако моляшеся в Церкве Вознесенской честный иерей Божий Николае, служащий тами, и благочестивая Евдокия, обретше икону Твою Державную, ибо рекла еси Владычице, что молениями к ней будеши просвещати Истинной души верных, тако вси православныя со умилением вопиют Ти сице:

Радуйся, лучами чудес от иконы всех просвещающая,

Радуйся, всех уповающих на Тя надеждо непостыдная,

Радуйся, благочестивей жене чудныя знамения явившая,

Радуйся, Благая молений наших Услышательнице,

Радуйся, Истиной Божией верных озаряющая,

Радуйся, от бед страну нашу избавляющая,

Радуйся, радосте всех христиан молитвенная,

Радуйся, немощных в вере утверждающая,

Радуйся, Мати Божия Державная, милостивая Владычице Земли Российския.

КОНДАК 3

Силою свыше обогатившеся Державным образом людие Твоя Богомати, стяжавше щит крепкий и стену необоримую, тем спасла еси Ты Русь многострадальную от безправия, возставив Царственное Владычество Твое в день отвержения и предания многими заблудшими вельможами Царя Николая Второго на попрание и отречение воли своея, и предание себя и святаго Семейства своего в руки безбожныя, даби явити в безславии – Славу Божию, и попрание сие от человеков возсияло еси миру всему, яко Небесный Дар, верных просвещаущий, научая воспевати Богу: Аллилуиа, Аллилуиа, Аллилуиа.

ИКОС 3

Имуще Тя, Благословенная Богородице, яко Источник милосердия неоскудеваемый всем концем Земли Российския, тако пред иконою Твоею Державней явлены чудеса исцеления от телесныя и душевныя недуги, ибо множество боголюбивых христиан к Тебе притекают моляшеся, и спасение получивше еси, хвалебную песнь воспевают Ти:

Радуйся, Источник Милосердия неоскудевающий,

Радуйся, щит и ограждение Земли Российския,

Радуйся, спасение Руси Царственное,

Радуйся, исцеления душевныя и телесныя нам подающая,

Радуйся, мысли благая на сердца полагающая,

Радуйся, милость Царской Семье Небесными Дарами явившая,

Радуйся, мудрования и деяния ложныя посрамляющая,

Радуйся, боголюбивых христиан спасение,

Радуйся, Мати Божия Державная, милостивая Владычице Земли Российския.

КОНДАК 4

Бури житейскаго моря сокрушают корабль спасения людей Российских, после отъятия от них Царя Православнаго, но яко после Вознесения Иисуса Христа осталась на Земле Невеста Его – Церковь Православная во спасение всем, тако на Тя, Владычицу Державную дарованную нам, вся надежды своя возложивше в годины братоубийственныя брани, но Твоим Матерним пред Богом предстательством, свободила еси людие Своя от скорбныя обстояния, и ныне радостно вопиющия Богу: Аллилуиа, Аллилуиа, Аллилуиа.

ИКОС 4

Слышавше о иконе Твоея Державней вси верующия даже мысленно притекаху к ней, надеясь на Твое заступление, и никтоже не отъиде тощь, но многия молящия от смерти спасала еси, Владычице Царственная, и даровала еси им время на покаяние, а многия пред смертию Истиной просветила еси, и покаялись Ти в своем злотворении, Богу душу предали еси и молят Тя, Благая Дево, прегрешений прощение им даровати, да вопиют Ти:

Радуйся, Царство Российское Собой восставившая,

Радуйся, спасение и прибежище нам в годины лютыя,

Радуйся, заступление от бед и напастей Тебе молящимся,

Радуйся, кающихся грешников с Богом примирение,

Радуйся, подвижников благочестия укрепление,

Радуйся, невидимое усмирение жестоких безбожников,

Радуйся, искушений победительнице,

Радуйся, Отрадо всем кротким и смиренным

Радуйся, Мати Божия Державная, милостивая Владычице Земли Российския.

КОНДАК 5

Боготечная Звездо явися нам Владычице честная икона Твоя Державная, страну Российскую всю обтекшая и лучами чудес Твоих осиявшая, сим показавше миру всему, яко отныне Матерь Божия явлена Державней Правительницей Святой Руси, и судьбы страны и народа Российскаго – яко Дом Богородицы, держит в Своих Пречистых руках, ми же, упование на Тя возложивше, вопием смиренно Богу: Аллилуиа, Аллилуиа, Аллилуиа.

ИКОС 5

Во дни лютыя скорби и злых обстояний, нашедших на Землю Русскую, узрела еси Владычице, отвергнутаго многим народом своим Царя Помазанника Божия Николая Второго, в великой скорби написавшего во дни крестных страданий своих: яко вокруг измена, трусость и обман. О, Владычице Державная, покаяния отверзи нам двери, да не погибнем в беззакониях измены, трусости и обмана ни Царю, ни Богу нашему, но плач велий сотворша, воспеваем Ти сицевая:

Радуйся, Державная правительнице Святой Руси,

Радуйся, лучами чудес Своих всех осиявшая,

Радуйся, невидимое исправление людям отвергшимся,

Радуйся, в крестных страданиях царской Семье Утешительнице,

Радуйся, злых наветов разрушение и посрамление,

Радуйся, не отвергающая и злосогрешающих

Радуйся, Небесную отраду в сердца наши подающая,

Радуйся, скорая христианам Помощнице,

Радуйся, Мати Божия Державная, милостивая Владычице Земли Российския.

КОНДАК 6

Проповедник неоскудеваемыя благодати и милости Твоея явился еси Царь Искупитель, принесший себя и Семью свою в жертву за грехи народа своего, падшего во тьму идолослужения богоборческаго, но воспевая ходатайство Твое досточудное Владычице Державная, не престаеши бо молитися о людиях Святой Руси, дабы за Жертву сию искупительную Господь простил вся грешным и заблудшим, и привел их к свету Евангелия, идеже вси возрадовавше милосердию Божию вопиют Ему: Аллилуиа, Аллилуиа, Аллилуиа.

ИКОС 6

Возсияла велия радость в душах людей, слышавших Твоя, Богородице Державная обетования, яко во вся дни скорбныя не оставиши Святую Русь, ибо рече Спаситель, кого люблю, того наказую и вразумляю, даби вернувшеся на путь истинный, тем спаслися. Сего ради прославляя милосердие Твое, Царице и Владычице наша, благодарне вопием Ти таковая:

Радуйся, Сыну Твоему о верных моления приносящая,

Радуйся, зловерие явное обличающая,

Радуйся, кающихся с Богом примиряющая,

Радуйся, добрые обеты нести помогающая,

Радуйся, чистым сердцем глас Твой являющая,

Радуйся, молящихся Духом Святым освящающая,

Радуйся, Покровом Твоим нас осеняющая,

Радуйся, Мати Божия Державная, милостивая Владычице Земли Российския.

КОНДАК 7

Хотяще явити токи чудес от святыя иконы Твоея Державныя, повелела еси Пречистая, молебное пение всем совершати, и получившим милость, и исцеление от Тебе, проповедати всем людиям Земли Российския, да не сокрыт пребывает источник благодатных исцелений и милостей от пречудной иконы Твоея, да вси с верою молящиеся ей, приимут помощь и заступление всесильное от Царицы Цельбоносныя и радостно возопиют Всемогущему Богу: Аллилуиа, Аллилуиа, Аллилуиа.

ИКОС 7

Новый источник благодати даровала нам Пресвятая Дево, егда явила дивное заступление Преподобномученице Елисавете, по убиении ея мощи перенести и упокоить во Иерусалиме, тако же и Елисавета, бывше начальницей Марфо-Мариинской обители, сокрыла от богоборцев чужеродных святую икону Державную, и слезно молила Тебе Владычице, да поможеши ей и всему Царственному Семейству: Николаю, Александре, Ольге, Татиане, Марии, Алексию и Анастасии смиренно прияти вся, яко Бог благоволит дати, да претерпев сия, ангельски радостно воспети Тебе таковая:

Радуйся, душам нашим отрадо и милосердие,

Радуйся, яко Тобою на Бога хула истребляется,

Радуйся, яко Тобою беззаконники наказуются,

Радуйся, окаменевшия сердца Тобою смягчаются,

Радуйся, злыя начинания разрушающая,

Радуйся, скорбныя сердца надеждой возраждающая,

Радуйся, мученикам дивное вспоможение,

Радуйся, людие Своя молитве научающая,

Радуйся, Мати Божия Державная, милостивая Владычице Земли Российския.

КОНДАК 8

Странники и пришельцы есми на Земли, житие бо наше суетно и маловременно есть, тако же до времени явления иконы Твоея Державней пастыри мнози небрегоша оставили еси окормление стада Божия, ожесточися бо сердца их, и не имаше веры, ниже слез, ниже плача о спасении людей. Ты же Милостивая, коснулась сердца их и утвердила на благо, мнози прозрев в скорби честно несли крест Христов, а мнози слезами и мученичеством омыв греси своя, прияли от Господа венцы и радостно воспевают Ему: Аллилуиа, Аллилуиа, Аллилуиа.

ИКОС 8

Вся сущи в Вышних, но и нижних не оставила Мати Божия, ибо беды и глады, междуусобныя брани и войны с ворогами чужеземными одолевают нас, тако по грехам лишилось Отечество Российское Царя Удерживающего, но с покаянием просим предстательства Твоего Владычице Державная, даби помиловал и простил людие Своя Господь,

И научал еси нас, в чистоте веры Православныя, ревностно воспевати Тебе сицевая:

Радуйся, Милостивая, явлением Своим веру подающая,

Радуйся, Благословенная, унылых ободряющая,

Радуйся, Духом Владычным на иконе Твоея пребывающая,

Радуйся, покаянием людей Божиих спасающая,

Радуйся, благословение Божие всей Руси приносящая,

Радуйся, вражии козни расторгающая,

Радуйся, Милующая, прощением Божиим грешных просвещающая,

Радуйся, добродетели в людиях умножающая,

Радуйся, Мати Божия Державная, милостивая Владычице Земли Российския.

КОНДАК 9

Во всю Землю Российскую просияли неизреченныя чудотворения от иконы Твоея Державныя, егда с песньми духовными, торжествуя, несома бываше икона сия, и многия моляшеся Ти исцеляются, недузи болящим врачуются, скорби и беды утоляются, сего ради Храмы Православныя по всей Руси воздвизаются в честь иконы и милости Твоея, Царице Державная, ми же, прославляя Бога, давшего нам Благодать сию, вопием Ему: Аллилуиа, Аллилуиа, Аллилуиа.

ИКОС 9

Вития суемудренния недоумевают, како прибегающе к иконе Твоея Державней Благодатию освящаются, тако молимтися Честнейшая Херувим: облагодати нас умом, разумети вся святое православное, и сердцем вмещати вся духовное благое, даби воля и вся дела наша управляемы были Источником спасения Иисусом Христом и Тобою Владычице Державная, яко завещала еси к сему Образу в последния времена особо прибегати, сего ради усердно вопием Ти таковая:

Радуйся, исцеление недугов врачующая,

Радуйся, благодатныя помощи обильно источающая,

Радуйся, чудотворным образом Твоим унывающих веселящая,

Радуйся, в сердца духовное и благое всевающая,

Радуйся, в гиблые времена спасение дарующая,

Радуйся, благая, пред Богом Предстательница,

Радуйся, Храмы на Руси воздвизающая,

Радуйся, скорби в радость претворяющая,

Радуйся, Мати Божия Державная, милостивая Владычице Земли Российския.

КОНДАК 10

Спасти хотя людие Божии от обдержащих бед и напастей явлена бысть икона Твоя Державная всем людиям Земли Российския, яко щит и благодатныя исцеления, а врагам нашим в посрамление и вразумление, тако и ныне под Державным покровом благости Твоея созиждется благодатная вера в людиях Святой Руси, спасенных Богом от тьмы неверия и беззаконий многих. Сего ради, благодарне Пресвятой Троице, устрояющей вся, со умилением вопием: Аллилуиа, Аллилуиа, Аллилуиа.

ИКОС 10

Стена и начало нашего спасения бысть преславное Рождество Твое Дево Пречистая, а печаль по Успении Твоем озарилась явлением Тя Царицей Небеси и Земли, и милостивым заступлением всех любящих Сына Твоего и Господа нашего Иисуса Христа, прославляющего Твое Матернее Милосердие, и ныне исходящее от иконы сея чудодейственней, сего ради, сподоби нас Владычице Державная благоговейно Ти воспевати:

Радуйся, щит и спасение Земли Российския,

Радуйся, Ангелов и Архангелов удивление,

Радуйся, поклоняющимся Ти, помощь чудную являющая,

Радуйся, благодатную веру Православную в людях созидающая,

Радуйся, по Успении Твоем нас не оставляющая,

Радуйся, скорое вспоможение всем подающая,

Радуйся, любящим Господа милостивое заступление,

Радуйся, матернее милосердие скорбным дарующая,

Радуйся, Мати Божия Державная, милостивая Владычице Земли Российския.

КОНДАК 11

 

Пение всеумиленное приносим Ти Владычице Державная, любящия рабы Твои, и слезно молим Тя, имущую милосердие неизреченное: помози нам Заповеди Божии и Божественныя Истины соблюдати, в Православии верно стояти, и Сына Твоего, Бога нашего Иисуса Сладчайшего, больше жизни любити, и непрестанно славословя благодарне Ему воспевати: Аллилуиа, Аллилуиа, Аллилуиа.

ИКОС 11

Святыми лучами живительных чудес Твоих, Богородице Царственная, просвещает души наша Небесною Благодатию от чудныя иконы Твоея Державныя, тем бо утешение духовное и целебное подаеши нам грешным, по безпредельному милосердию Господа нашего, Его же величающе, воспеваем Ти Всеблагая с любовию похвалы сия:

Радуйся, любящим рабам Твоим милосердие неизреченное,

Радуйся, Заповеди Божии людиям соблюдать помогающая,

Радуйся, Божественныя Истины в чистоте соблюдающая,

Радуйся, Небесною Благодатию души всем просвещающая,

Радуйся, грешным кающимся утешение подающая,

Радуйся, Владычице спасением всех озаряющая,

Радуйся, воспевати Господа нас научающая,

Радуйся, Мати Божия Державная, милостивая Владычице Земли Российския.

КОНДАК 12

Благодати Божественныя освящения испроси Милостивая Приснодево у Пресвятыя Троицы, всем людиям Святой Руси, под Державный покров прибегающим, яко Ты еси Милосердная помощнице всем чающим исцеления и душе спасения, Ты еси Скоропослушнице ревнующим о Славе Божией, ты еси Благая Путеводительнице чающим Царствия Небесного восхищения, сего ради благодарне Царю Царствующих воспеваем: Аллилуиа, Аллилуиа, Аллилуиа.

ИКОС 12

Поюще Твоя чудеса, явленныя во времена древняя и настоящая, хвалим Тя Милостивая Мати Божия, Заступнице Неусыпающая Православных христиан, яко Живоносныя Источнице благодати и нестощимую Милости и Щедрот Реку, даровала еси людиям Земли Российския явлением дивныя иконы Твоея Державныя. Сего ради, припадающе к образу Твоему честному, со умилением вопием Ти сицевая:

Радуйся, Приснодево Святой Руси Владычице,

Радуйся, цвете Божественнаго насаждения,

Радуйся, рода христианскаго заступление,

Радуйся, душ наших освящение,

Радуйся, милости сокровище безценное,

Радуйся, Скоропослушнице ревнующим о Славе Божией,

Радуйся, Милосердная всем чающим душе спасения,

Радуйся, Благая Путеводительнице в Царство Небесное,

Радуйся, Мати Божия Державная, Милостивая Владычице Земли Российския.

КОНДАК 13

О, Всепетая Мати, Державная Владычице Российския Земли, приими малое сие моление наше, в похвалу Тебе приносимое пред пречистым Твоим образом, ради благости и неизреченных щедрот Твоих, на Тя бо вся упование наше возложивше, да избавиши нас во времена сии лукавыя от враг безбожных, от нашествия иноплеменник, от еретического пленения, от печати антихристовой и сподоби наследовати нам, соблюдением истинныя веры Православныя Царствия Небеснаго, где со всеми святыми непрестанно воспоем Всещедрому Богу: Аллилуиа

Сей кондак читается трижды, затем Икос 1 «Ангелов множество…» и Кондак 1 «Взбранной Воеводе…»

Молитва ко Пресвятой Богородице пред иконою Ея Державною

О, Милостивая Владычице Земли Российския, пред чудотворною иконою Твоей Державней коленопреклонно припадающе, с покаянием усердно просим предстательства Твоего, даби помиловал и простил Господь людие Своя, ибо по грехам нашим потеряли мы Помазанника Его, Царя Всероссийскаго Николая Второго со святым Семейством его.

Мати Всепетая, не отврати лица Твоего от нас, смиренных и грешных, чающих прощение получити, на Тя бо вся упования возложивше со слезами молим Тя; упроси Сына Твоего Христа Бога нашего, да помилует, простит и снимет грех сей с Народа Русскаго, Ты бо еси Царице Святой Руси!

О, Владычице Державная, защити нас с чадами, с родными, близкими, крестниками, со всеми православными христианами, чающими спасения, ми же скорбно вопием Ти: обступили нас беды и глади, ереси, междоусобныя брани и войны с ворогами чужеземными, и спаси нас, обогатившихся образом Твоим Державным. Буди нам крепкий Щит и Стена Необоримая, и в посрамление введи врагов наших, врагов Божиих, ими же веси судьбами, яко с нами Бог!

Милосердная Приснодево, просвещающая души наша Небесною Благодатию от святыя иконы Твоея! Вонми людиям многоболезненным, под Державный Покров притекающих к Тебе, яко Живоносному Источнику милости Божией, и даруй нам исцеления духовныя и телесныя, яко Ты еси Утешительнице всех скорбящих и недугующих!

О, Милостивая Скоропослушнице, помози призывающим Тя, егда вера Православная и истинные служители Господа поругаемы бывают. Потщися и ныне быти Избавительницей и скорой Предстательницей ревнующим о Славе Божией, услыши стенания наша, помози не отпасть и не погибнути нам в ересях и заблуждениях, врагами насильственно всеваемыя людиям Божиим во времена сия последния и лукавыя, но попали ереси их гневом Господним, яко траву и сор.

О, Всеблагая путеводительнице, Царствия Небеснаго чающим восхищения, вразуми разпознати злохитростныя козни слуг антихристовых, и укрепи нас Твоею Благодатию выстоять зде на Земли даже до смерти, но верными быти истинной вере Православней и Сладчайшему Господу нашему Иисусу Христу, и наследовати Тобою, Пренепорочная, Царствия Небеснаго, идеже несть болезнь, ни печаль, ни воздыхания, но жизнь безконечная. Личное прошение: Спаси и защити Матушка, нас с родными, близкими, крестниками, со всеми православными христианами и со всеми людьми от печати антихристовой, власти его, от голодной, холодной, внезапной смерти без покаяния, от вечного расставания, предательства веры, кругов адовых, окружи нас людьми добрыми, пастырями истинными, не лиши нас причастия Тела и Крови Сына Твоего, сохрани страну нашу православной. Аминь.



Поделиться:




Поиск по сайту

©2015-2024 poisk-ru.ru
Все права принадлежать их авторам. Данный сайт не претендует на авторства, а предоставляет бесплатное использование.
Дата создания страницы: 2020-03-31 Нарушение авторских прав и Нарушение персональных данных


Поиск по сайту: