Заступнице земли Российстей и непрестанная за нас молитвеннице, мир народу у Господа испроси, да святится в нас имя Божие во веки. Аминь.
//////////////////////////////////////////////////////
//////////////////////////////////////////////////////
Если силы не иссякли, но есть огромное желание и любовь к России, помолимся еще: (кто сколько может. Цель великая, молитвы нужны горячие, сердечные!)
СВЯТЫМ НОВОМУЧЕНИКАМ И ИСПОВЕДНИКАМ РОССИЙСКИМ:
Святии новомученицы и исповедницы Церкви Российския, услышите усердную мольбу нашу! Вемы, яко неции от вас, еще отроцы суще, послушающе о древлих страстотерпцех, в сердце своем помыслиша, колико прелюбезно и доброхвально есть таковым подражати, ихже не муки, ни смерть не разлучиша от любве Божия. Благо же вам, яко последовали есте вере и терпению тех, и поелику на всякое время возможно есь наити на ны испытанием нечаянным, испросите от Господа нам мужества дар, иже толико благопотребен есть в житии человечестем. Вся концы Отечества нашего страданьми своими освятившии, яко общии за вся ны молитвенницы, умолите Бога избавити Отечество наше от ига, ужаснейшаго паче всякаго инаго. И да отпустится нам и всему роду нашему грех, на народе российском тяготеющий: убиение царя, помазанника Божия, святителей же и пастырей с паствою, и страдания исповедников, и осквернение святынь наших. Да упразднятся расколы в Церкви нашей, да будут вси едино и да изведет Господь на жатву делатели Своя, сиесть да не оскудевает Церковь пастырьми добрыми, иже имут просвещати светом истинныя веры столь великое множество людей, вере ненаученных или от веры отвратившихся. Недостойни есмы милости Божия, обаче страданий ради ваших Христос Бог наш да ущедрит и помилует всех нас, в помощи вас призывающих. Мы же Ему, Спасителю нашему со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.
|
|
Святителю ИОАСАФУ БЕЛГОРОДСКОМУ молятся об ограждении от ересей и расколов, об укреплении веры Православной, духовном и телесном здравии:
О, угодниче Божий святителю Иоасафе! Из глубины сердца взываем к тебе раби Божии (имена), огради нас от соблазна, ересей и расколов, научи горняя мудрствовати, рассеянный ум наш просвети и на путь истины направи, охладевшее сердце согрей любовию ко ближнему и ревностию ко исполнению велений Божиих, грехом и нерадением ослабленную волю нашу оживотвори благодатию Духа Всесвятого. Да твоему пастырскому гласу последующе, сохраним в чистоте и правде души наша, и тако Богу помогающу, Небесного Царствия достигнем, идеже купно с тобою воспрославим пречестное и великолепное имя Отца и Сына и Святаго Духа во веки веков. Аминь.
Святые благоверные князи АЛЕКСАНДР НЕВСКИЙ и ДИМИТРИЙ ДОНСКОЙ
Св. князю Александру молятся об избавлении Отечества от иноземного нашествия, о добром нраве властей и правителей, об успехе в ратном деле, о твердом стоянии в вере.
Св. князю Димитрию Донскому молятся с просьбой сохранить единство, отвести угрозы от семей, оградить от нападения врагов, укрепить веру. Димитрий Донской, как и его знаменитый предок Александр Невский, - покровители людей военных профессий
Молитва:
О святые благоверные князи Александре и Димитрие! Призрите милостивно на ны, недостойныя рабы Божии (имена), и исходатайствуйте нам житие тихое и безмятежное, и к вечному Царствию шествие неуклонное вашим предстательством устройте нам, да сохранит нас Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимого, Отца и Сына и Святаго Духа, ныне и присно и во веки веков.
|
|
Святителю АЛЕКСИЮ, митрополиту Московскому, молятся о прозрении, о смягчении гнева начальствующих, о защите Отечества от нашествия иноплеменных:
О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у престола всех Царя, и наслаждаяся света Единосущныя Троицы, и херувимски со ангелы возглашая песнь трисвятую, великое же и неизследованное дерзновение имея ко Всемилостивому Владыце, молися спасти люди паствы твоея, единородный ти язык: помози во бранех; благостояние святых церквей утверди; архиереи благолепием святительства украси; монашествующия к подвигом добраго течения укрепи; град сей (святую обитель сию) и вся грады и страны добре сохрани, и веру святую непорочну соблюсти умоли; мир весь предстательством твоим умири, от глада и пагубы избави ны, и от нападения иноплеменных сохрани; старыя утеши, юныя настави, безумныя умудри, вдовицы помилуй, сироты заступи, младенцы возрасти, пленныя возврати, немощствующия исцели, и везде тепле призывающия тя и с верою притекающия к раце честных и многоцелебных мощей твоих, усердно припадающия и молящияся тебе, от всяких напастей и бед ходатайством твоим свободи, да зовем ти: радуйся, Богоизбранный пастырю, звездо всесветлая мысленныя тверди, горнего Сиона необоримый столпе, миродохновенный цвете, всея Руси украшение! Моли о нас (имена) всещедраго и человеколюбиваго Христа Бога нашего, да и в день страшнаго пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.
|
|
Святому равноапостольному великому КНЯЗЮ ВЛАДИМИРУ молятся о спасении России, о добром нраве властей и правителей, об обращении народа к вере:
О великий угодниче Божий, равноапостольный княже Владимире! Призри на немощи наши и умоли Премилосердаго Царя Небесного, да не прогневается на ны зело и да не погубит нас со беззаконьми нашими, но да помилует и спасет нас по милости Своей, да всадит в сердца наша покаяние и спасительный страх Божий, да просветит Своею благодатию ум наш, во еже оставити нам стези нечестия и на путь спасения обратитися, неуклонно же заповеди Божия творити и уставы Святыя Церкве соблюдати. Моли, благосерде, Человеколюбца Бога, да явит нам великую милость Свою: да избавит нас от смертоносных болезней и от всякого зла, да сохранит и спасет рабов Божиих (имена) от всех козней и наветов вражиих и да все мы сподобимся с тобою вечнаго блаженства, хваляще и превозносяще Бога во веки веков.
Святому князю ДАНИИЛУ МОСКОВСКОМУ молятся о спасении России, о добром нраве властей и правителей, об избавлении от пагубных разделений и междоусобной брани:
Церкве Христовы похвало высокая, града Москвы стено необоримая, державы Российския божественное утверждение, преподобне княже Данииле, усердно молим тя: призри на нас (имена), память твою воспевающих, пролей теплое твое ходатайство ко Спасу всех, яко да утвердит миром страну нашу, грады и веси ея и обитель сию добре да сохранит, благочестие и любовь в людех твоих насаждая, злобу же, междоусобие и нравов развращение искореняя; всем же нам вся благая ко временному животу и вечному спасению даруй молитвами твоими, яко да прославляем дивнаго во святых Своих Христа Бога нашего во веки веков. Аминь.
Святому великомученику ДИМИТРИЮ СОЛУНСКОМУ молятся о сохранении страны от нашествия иноплеменных:
Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, труса, потопа, огня, меча и вечныя казни. Моли благость Его, еже ущедрити град сей (обитель сию, приход наш/ дом наш, храм наш) и всякую страну христианскую. Исходатайствуй у Царя царствующих на враги победу и одоление, мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоугодное Владыце нашему Христу Богу зде творяще, сподобимся молитвами твоими наследовать Царствие Небесное и тамо прославляти Его, со Отцем и Святым Духом, во веки веков.
Священномученику ЕРМОГЕНУ, патриарху Московскому молятся о спасении России, о заступлении Отечества от нашествия иноплеменных и власти иноверцев, о твердом стоянии в вере, о мужестве перед лицом смертельной опасности:
О великий угодниче Христов, святителю отче наш Ермогене! К тебе, молитвеннику теплому и предстателю пред Богом непостыдному, усердно притекаем, в нуждах и скорбех наших утешения и помощи просяще. В древнюю годину искушений, внегда обышедше обыдоша страну нашу нечестивии врази, Господь яви тя Церкви Своей столпа непоколебима и людем российским Пастыря добра, душу свою за овцы положивша и лютыя волки далече отгнавша. Ныне убо призри и на ны, недостойныя чада твоя (имена), умиленною душею и сокрушенным сердцем тебе призывающие. Крепость бо наша в нас оскуде и вражия ловления и сети обыдоша нас. Помози нам, заступниче наш! Утверди нас в вере святей: научи нас всегда творити заповеди Божия и вся предания церковная, от отец нам заповеданная. Пастырем нашим буди архипастырь, воином вождь духовный, болящим врач, печальным утешитель, гонимым заступник, юным наставник, всем же благосердный отец и за вся теплый молитвенник яко да молитвами твоими ограждаеми, непрестанно воспоем и прославим всесвятое имя Живоначальныя Троицы, Отца и Сына и Святаго Духа во веки веков. Аминь.
Святой Русской КНЯГИНЕ ОЛЬГЕ, бабушке великого князя Владимира, молятся о России, о горении духа, о просвещении заблудших светом Христовой веры, о сохранении веры русского народа:
О великая угоднице Божия, богоизбранная и богопрославленная, равноапостольная великая княгине Ольго! Ты отринула еси зловерие и нечестие языческое, уверовала еси во единаго истиннаго Триипостаснаго Бога, и восприяла еси святое крещение, и положила еси начало просвещения земли Российския светом веры и благочестия. Ты еси духовная родоначальница наша, ты по Христе Спасителе нашем первая виновница просвещения и спасения рода нашего. Ты еси теплая молитвенница и ходатаица о державе Российской, о народоправителях ея, воинстве и о всех людех. Сего ради смиренно молим тя: призри на немощи наша и умоли премилосердаго Царя Небеснаго, да не прогневается на ны зело, яко по немощем нашим во вся дни согрешаем, да не погубит нас со беззаконьми нашими, но да помилует и спасет нас по милости Своей, да всадит в сердца наша спасительный страх Свой, да просветит Своею благодатию ум наш, во еже разумети нам пути Господни, оставити стези нечестия и заблуждений, тщатися же во стезях спасения и истины, неуклоннаго исполнения заповедей Божиих и уставов святыя Церкве.
Моли, блаженная Ольго, Человеколюбца Бога, да пробавит нам великую милость Свою: да избавит нас от нашествия иноплеменных, от внутренних нестроений, мятежей и раздоров, от глада, смертоносных болезней и всякаго зла; да подаст нам благорастворение воздуха и плодоносие земли, да подаст пастырем ревность о спасении пасомых, всем же людем споспешение о еже усердно службы своя исправляти, любы между собою и единомыслие имети, на благо Отечества и святыя Церкве верне подвизатися, да воссияет свет спасительныя веры в царстве нашем во всех концех его: да обратятся к вере неверующии, да упразднятся вся ереси и расколы, да тако поживше в мире на земли, сподобимся с тобою вечнаго блаженства на небеси, хваляще и превозносяще Бога во веки веков. Аминь.