Келге шонымашан драматург

С. Г. Чавайн лӱмеш калыкле книгагудын краеведений пӧлкаштыже актер, драматург, режиссер, Марий АССР Кугыжаныш премий лауреат, Марий АССР-ын заслуженный артистше Константин Максимович КОРШУНОВЫН (1929-2001) шочмыжлан – 90 ий темме лӱмеш («Келге шонымашан драматург») книга ончерым чумырымо. Книга ончер 25 март марте шуйна.

Пагален ӱжына!

Константин Максимович Коршунов Шернур районысо Кӱчыкэҥер ялеш 1929 ий 14 мартьппте шочын. Пошкудо Койсола ялысе шымияш школым пытарымек, Шернур ял озанлык школышто тунемьш да вара шке ялсоветысе колхозлаште агротехник сомылым шуктен. Тудо жапыште искусствылан шӱмаҥын, художест­венный самодеятельностьын ик эн актив­ный участникше лийын. 1947 ий гыч У Торъял колхоз театрьш, 1948-1949 ийлаште Марий филармонийысе хорьш артистышт лийын. Умбакыже илышыжым творчестве дене кылдаш шонен пышта да Ленинградысе А. Н. Островский лӱмеш институтыш артистлан тунемаш пура.

1954 ийыште тудо М. Шкетан лӱмеш Марий кугыжаныш драме театрьш толеш. Сцене искусствышто кугу сеҥымашыш шумыжлан 1960 ийыште К. М. Коршуновлан Марий АССР-ын заслуженный артистше лӱмым пуат.

Тудо пагытьштак драматургий корныш лектеш – тиде ийынак «Ильш-корньшто» икымше пьесыжын премьерыже лиеш. Тиде жап гыч Константин Коршуновын драматургийже Марий национальный театрын репертуаржым пойдарен шогышо куатле эҥерыш савырна. М. Шкетан лӱм

еш театрын сценыштыже поче-поче «Кӱрылтшӧ сем», «Шочмо мланде», «Кӱдырчан ӱжара», «Аксар ден Юлавий», «Корныеҥ», «Шарнет, Элиса?», «Шӱм парым», «Пӱрыдымӧ пӱрымаш» драмылаже шындалтыныт. 90-шо ийла мучаште Константин Коршунов «Пӱрыдымӧ пӱрымашын» cюжетшым умбакыже шуйышо «Сусыр пиал» драмым сера, тудо 1999 ий тӱҥалтыште Марий самырык театрыште «Кайыккомбо-влак эртат юарлен» лӱм дене шындалтеш. Каласаш кӱлеш, драматургьш ятыр возымыжо келге психологиян, лудшын, спектакль ончаш толшын чоньштым вургыжтараш, шонкалаш таратыше улыт. Тидлан тудо драме жанрым эрелан ойырен налын. Арам огыл «Корныеҥ» драмыжым Марий Элысе Кугыжаныш премий дене палемденыт.

Тудо лу ий утла Марий АССР Министр-влак Совет пеленсе радио да теле­видений комитетыште режиссер семын тыршен. Тиде жапыште К. М. Коршунов 40 наре теле- да радиоспектакльым шынден.

Тылеч вара Писатель ушемыште литконсультант, ответственный секретарь да председательын алмаштышыже лийын. М. Шкетан лӱмеш театрыште литератур ужашым вуйлатен.

К. Коршунов Писатель ушемыште 1969 ий гыч шоген. Актер, драматург да режиссерын ӱмыржӧ 2001 ий 12 июньышто кӱрылтын.

Кучылтмо литератур:

· Кульбаева Н. И. Артисты Марийского театра: биобиблиогр. справ. / Н. И. Кульбаева. – Йошкар-Ола, 2005. – С. 103-106.

· МБЭ. – Йошкар-Ола, 2017. – С. 218.

· Писатели Марий Эл: биобиблиогр. справ. – Йошкар-Ола, 2008. – С. 343-345.

· Белкова С. Тудын ӱмыржым возымо пашаже шуя / Светлана Белкова // Марий Эл. – 2014. – 23-24 май. – С. 8.

· Бояринова В. Келге шоиымашан драматург / В. Бояринова // Марийын чои кончерже: Марий театрлан – 80. – Йошкар-Ола, 1999. – С. 94-108.

· Галютин-Ялзак Ю. Сценылаште шуко пеледыш эре лийже / 10. Галютин-Ялзак // Марий Эл. – 1999. – 13 март.

· Георгина М. Актёр и драматург / М. Георгина // Восхождение: лит. портр. марийс. писателей. – Йошкар-Ола, 1984. – С. 101-119.

· Зайниев Г. Кок «эҥерыи» кок эргыже / Гельсий Зайниев // Кугарня. – 2014. – 14 март. – С. 12.

· Зайниев Г. Пытартыш вашлиймаш: драматург К. Коршунов нерген ой / Гельсий Зайниев // Ончыко. – 2009. – № 2. – С. 92-95.

· Иванов С. Куатле артист, сылнымут мастар / С. Иванов // Ма­рий Эл. – 2009. – 13 март. – С. 7.

· Константин Коршунов (1929-2001): [к 75-летию со дня рож­дения] / сост. В. В. Крылов. – Йошкар-Ола, 2004. – 1 буклет. – (Писатели Марий Эл).

· Яковлева Г. А. Драматургия К. Коршунова / Г. А. Яковлева // Литература и время: сб. ст. – Йошкар-Ола, 2003. – С. 140-151.