МОЛИТВОСЛОВИЯ
СВЯЩЕННОМУЧЕНИКАМ
ИОАННУ (ПЬЯНКОВУ) И НИКОЛАЮ (БИРЮКОВУ),
ПРЕСВИТЕРАМ ПЕРМСКИМ
ОБЩАЯ ИХ ПАМЯТЬ - 30 / 17 НОЯБРЯ (ДЕНЬ ОТКРЫТИЯ ПЕРМСКОЙ АЛЕКСАНДРОВСКОЙ ГУБЕРНСКОЙ БОЛЬНИЦЫ
И АЛЕКСАНДРО-НЕВСКОГО ХРАМА ПРИ НЕЙ) (+ 1833)
ТРОПАРЬ, ГЛАС № 3:
Мужеству благовернаго князя Александра Невскаго подражавшии, /
преславнии и предивнии светильники Истинныя Веры Христовой, /
святии священномученицы отцы наши Иоанне и Николае, //
молите Христа Бога спастися душам нашим.
КОНДАК, ГЛАС № 5:
Милосердия Божия велицыи подражатели, / священства Христова
нелицемернии блюстители, / страдания и смерть за верность Господу
приявшии и тем же храмом Духа Святаго досточудне соделашася. //
Тем же зряще ваше страдание за Истину Христову, святии священномученицы отцы наши Иоанне и Николае, умильно вопием вам: молите Христа Бога душам нашим от скверны вражия избавитися и Вере Православней в мире утвердитися.
ИКОС, ГЛАС № 8:
Стено нерушимая Веры Истинныя Православныя явилися есте
противу козней вражиих непобедимое забрало, / велии наследницы
заветов Господних, милости и любве даже до смерти за Христа
и ближних своих образ благочестивый нам славне показующе, //
святии священномученицы Христовы отцы наши Иоанне и Николае, молите Христа Бога спастися душам нашим.
СТИХИРА, ГЛАС № 1
(КОЛЕНОПРЕКЛОНЕННАЯ):
Светозарнии служителие Духа Пресвятаго Божия, / града Пермскаго и храма сего благовернаго Александра Невского
при врачебнице сей неусыпнии попечителие, / достохвальнии врачеватели душ и телес наших, / верность свою заветам Господним смертию за Него запечатлеша, // святии священномученицы Христовы
отцы наши Иоанне и Николае, молите Христа Бога подати нам
оставление прегрешений и душам нашим велию милость.
ВЕЛИЧАНИЕ
Величаем вас, / святии священномученицы Христовы
отцы наши Иоанне и Николае, / и чтим честная страдания ваша, /
яже за Христа претерпели есте.
ПРИПЕВ НА МОЛЕБНЕ:
Святии священномученицы Христовы отцы наши
Иоанне и Николае, молите Бога о нас!
МОЛИТВА СВЯЩЕННОМУЧЕНИКАМ
ИОАННУ (ПЬЯНКОВУ) И НИКОЛАЮ (БИРЮКОВУ)
О, святии славнии и всехвальнии священномученицы Христовы
отцы наши Иоанне и Николае! Приимите сие моление, нами, грешными и недостойными, со смирением и покаянным сердцем и трепетом вам приносимое, оградите врачей и недугующих от бесовскаго ловления и одержимости, граду сему Перми, врачебнице сей и домовому храму ея во имя славное благовернаго князя Александра Невскаго, в них же вы труды благия во спасение душ наших бессмертных неленостне и досточудне совершивше, подадите
духовное трезвение и кротость со смирением, всем нам время на истинное покаяние и служити дерзновенне Господу Славы, Христу Жизнодавцу, и соделати души своя храмом Духа Бога Живаго,
во исполнение завета первоверховнаго апостола Павла.
О, святии священномученицы Христовы Иоанне и Николае!
Принесите Господу Богу малое наше моление, да подаст нам,
граду нашему Пермскому, духовенству всему Пермския Митрополии
во главе с Высокопреосвященнейшим Митрополитом Мефодием
мудрость Соломонову и дерзновение Нафаново в деле спасения
душ наших в Господе, властем и воинству земли Пермския
и всем благочестно живущим на ней подадите благочестие,
терпение, кротость с незлобием и сокрушение сердечное
о греховных неправдах своих и греховных прилогах в глубине храма души своея нами совершаемое, да сподобимся вкупе с вами
и со всеми святыми славити и воспевати Пречестное и Великолепое Имя Господне, Отца, и Сына, и Святаго Духа,
ныне и присно, и во веки веков. Аминь.
