Чин панихиды на Пасхальной седмице и в Радоницу (на кладбище и в храме)
Диакон: Благослови, владыко.
Священник: Благословен Бог наш:
Хор: Аминь.
Священник и диакон: Христос воскресе: (трижды).
Хор: Христос воскресе: (трижды).
Священник: 1-й стих. Да воскреснет Бог, и расточатся врази Его. (Совершается полное каждение храма; если же на кладбище, — то ближайших могил.)
Хор: Христос воскресе: (1 раз).
Священник: 2-й стих. Яко исчезает дым, да исчезнут.
Хор: Христос воскресе: (1 раз).
Священник: 3-й стих. Тако да погибнут грешницы от лица Божия, а праведницы да возвеселятся.
Хор: Христос воскресе: (1 раз).
Священник: 4-й стих. Сей день, егоже сотвори Господь, возрадуемся и возвеселимся вонь.
Хор: Христос воскресе: (1 раз).
Священник: Слава:
Хор: Христос воскресе: (1 раз).
Священник: И ныне:
Хор: Христос воскресе: (1 раз).
Священник: Христос воскресе из мертвых, смертию смерть поправ.
Хор: И сущим во гробех живот даровав.
Диакон: Миром Господу помолимся
О простити ему (им) всякое прегрешение, вольное и невольное, Господупомолимся".
О плачущих и болезнующих, чающих Христова утешения, Господу помолимся".
"О отпуститися ему (им) от всякия болезни, и печали, и воздыхания и вселити его (их), идеже присещает свет Лица Божия, Господу помолимся".
"О яко да Господь Бог наш учинит душу его (души их) в месте светле, в месте злачне (радостном и довольном), в месте покойне, идеже вси праведнии пребывают, Господу помолимся".
" О причтении его (их) в недрех Авраама, и Исаака, и Иакова, Господу помолимся".
"Яко Ты еси воскресение, и живот, и покой усопшаго раба Твоего (усопших раб Твоих), Христе Боже наш. И Тебе славу возсылаем Отцу, и Сыну, и Святому Духу, ныне и присно, и во веки веков. Аминь".
Хор (после возгласа): ирмосы пасхального канона.
Ирмос 1-й песни: Воскресения день, просветимся людие: Пасха, Господня Пасха! От смерти бо к жизни, и от земли к Небеси, Христос Бог нас преведе, победную поющия.
Священник и диакон (припев): Христос воскресе из мертвых.
Хор (повторяет припев): Христос воскресе из мертвых.
Священник и диакон: Упокой, Господи, души усопших раб Твоих.
Хор (повторяет припев): Упокой, Господи:
Священник и диакон: Слава Отцу и Сыну и Святому Духу.
Хор: И ныне и присно и во веки веков. Аминь.
Хор: ирмос 3-й песни. Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.
Священник и диакон повторяют те же припевы, что и после 1-го ирмоса.
Хор: ирмос 4-й песни. На божественней стражи, богоглаголивый Аввакум да станет с нами, и покажет светоносна ангела, ясно глаголюща: днесь спасение миру, яко воскресе Христос, яко всесилен.
Священник и диакон: припевы (см. выше).
Хор: припевы.
Хор: ирмос 5-й песни. Утренюем утреннюю глубоку, и вместо мира песнь принесем Владыце, и Христа узрим, Правды Солнце, всем жизнь возсияюща.
Священник и диакон: припевы.
Хор: припевы.
Хор: ирмос 6-й песни. Снизшел еси в преисподняя земли и сокрушил еси вереи вечныя, содержащия связанныя, Христе, и тридневен, яко от кита Иона, воскресл еси от гроба.
Диакон — малая заупокойная ектения (см. обычную панихиду).
Хор: Господи, помилуй.
Хор (после возгласа): Со святыми упокой: и кондак Пасхи, гл. 8: Аще и во гроб снизшел еси, Безсмертне:
Хор: ирмос 7-й песни. Отроки от пещи избавивый, быв человек, страждет яко смертен, и страстию смертное в нетления облачит благолепие, Един благословен отцев Бог, и препрославлен.
Священник и диакон: припевы.
Хор: припевы.
Хор: ирмос 8-й песни. Сей нареченный и святый день, един суббот царь и господь, праздников праздник, и торжество есть торжеств: в оньже благословим Христа во веки.
Священник и диакон: припевы.
Хор: припевы.
Хор: ирмос 9-й песни Светися, светися, новый Иерусалиме: слава бо Господня на тебе возсия, ликуй ныне, и веселися, Сионе! Ты же, Чистая, красуйся, Богородице, о востании Рождества Твоего.
Диакон: Паки и паки (заупокойная малая ектения).
Хор: Господи, помилуй (см. выше).
Хор (ексапостиларий): Плотию уснув, яко мертв, Царю и Господи, тридневен воскресл еси, Адама воздвиг от тли, и упразднив смерть: Пасха нетления, мира спасение.
Стих: Да воскреснет Бог, и расточатся врази Его.
Пасха священная нам днесь показася: Пасха нова святая, Пасха таинственная, Пасха всечестная, Пасха Христос Избавитель, Пасха непорочная, Пасха великая, Пасха верных, Пасха, двери райския нам отверзающая, Пасха всех освящающая верных.
Стих: Яко исчезает дым, да исчезнут.
Приидите от видения жены благовестницы, и Сиону рцыте: приими от нас радости благовещения Воскресения Христова; красуйся, ликуй и радуйся, Иерусалиме, Царя Христа узрев из гроба, яко Жениха происходяща.
Стих: Тако да погибнут грешницы от лица Божия, а праведницы да возвеселятся.
Мироносицы жены, утру глубоку, представша гробу Живодавца, обретоша ангела, на камени седяща, и той провещав им сице глаголаше: что ищете Живаго с мертвыми? Что плачете Нетленнаго во тли? Шедше проповедите учеником Его.