Литургия
Диакон: Благослови, владыко.
Иерей: Благословено Царство Отца и Сына, и Святаго Духа, ныне и присно, и во веки веков.
Великая ектения
Диакон: Миром Господу помолимся.
Диакон: О свышнем мире и спасении душ наших, Господу помолимся.
О мире всего мира, благостоянии святых Божиих церквей и соединении всех, Господу помолимся.
О святем храме сем и с верою, благоговением и страхом Божиим входящих в онь, Господу помолимся.
…
Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Иерей: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.
И далее, без паузы, без перезадачи тона, с тех же звуков поем:
Антифон 1
2. Благослови, душе моя, Господа, / и не забывай всех воздаяний Его.
1. Очищающаго вся беззакония твоя, / исцеляющаго вся недуги твоя.
2. Избавляющаго от истления живот твой, / венчающаго тя милостию и щедротами.
1. Исполняющаго во благих желание твое: / обновится, яко орля, юность твоя.
2. Творяй милостыни Господь, / и судьбу всем обидимым.
1. Сказа пути Своя Моисеови, / сыновом Израилевым хотения Своя.
2. Щедр и милостив Господь, / долготерпелив и многомилостив.
Малая Ектения
Диакон: Паки и паки, миром Господу помолимся.
Диакон: Заступи, спаси, помилуй и сохрани нас, Боже, Твоею благодатию.
Диакон: Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
|
|
Диакон: Яко Твоя держава и Твое есть Царство и сила, и слава, Отца, и Сына, и Святаго Духа, ныне и присно, и во веки веков.
И далее без паузы без перезадачи тона, с тех же звуков поем:
Антифон 2
1. Изыдет дух его, / и возвратится в землю свою: / в той день погибнут вся помышления его.
2. Блажен, емуже Бог Иаковль помощник его, / упование его на Господа Бога своего.
1. Сотворшаго небо и землю, / море и вся, яже в них.
2. Хранящаго истину в век, / творящаго суд обидимым, / дающаго пищу алчущим.
1. Господь решит окованныя, / Господь умудряет слепцы.
2. Господь возводит низверженныя, / Господь любит праведники.
1. Господь хранит пришельцы, / сира и вдову приимет, / и путь грешных погубит.
2. Воцарится Господь во век, / Бог твой, Сионе, в род и род.
далее без паузы на тон выше в миноре поем:
Единородный Сыне
Ектения Малая
Диакон: Паки и паки, миром Господу помолимся.
И далее без паузы читает второе прошение:
Заступи, спаси, помилуй и сохрани нас, Боже, Твоею благодатию.
Диакон: Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Диакон: Яко благ и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.
Антифон 3
Блажени нищии духом, / яко тех есть Царство Небесное.
Блажени плачущии, / яко тии утешатся.
Блажени кротции, / яко тии наследят землю.
|
|
Блажени алчущии и жаждущии правды, / яко тии насытятся.
| Блажени милостивии, / яко тии помиловани будут. |
Блажени чистии сердцем, / яко тии Бога узрят.
Блажени миротворцы, / яко тии сынове Божии нарекутся.
Блажени изгнани правды ради, / яко тех есть Царство Небесное.
Блажени есте, егда поносят вам, / и изженут, и рекут всяк зол глагол на вы, лжуще Мене ради.
Радуйтеся и веселитеся, / яко мзда ваша многа на Небесех.
Диакон: Благослови, владыко, святый вход.
Иерей: Благословен вход святых Твоих, всегда, ныне и присно, и во веки веков.
Диакон: Премудрость, прости.
Входное 
В будни дни поется: Во святых Дивен сый.
В Богородичные двунадесятые праздники: Молитвами Богордицы
В попразднество Рождества Христова: Рождейся от Девы
Богоявления: Во Иордане крестивыйся
Вознесения Господня: Вознесыйся во славе
Преображения: Преобразивыйся на горе
Воздвижения Креста Господня: Плотию распныйся
В попразднество Пятидесятницы: Спаси ны, Утешителю Благий
И сразу поются положенные тропари и кондаки.
По окончании тропарей и кондаков
Диакон: Господу помолимся
Иерей: Яко свят еси, Боже наш, и Тебе славу возсылаем, Отцу, и Сыну, и Святому Духу, ныне и присно.
Диакон: Господи, спаси благочестивыя
Диакон: И услыши ны.
Диакон: И во веки веков.
Трисвятое
Поётся три раза, затем на последнем аккорде:
Слава Отцу и Сыну и Святому духу и ныне и присно и во веки веков. Аминь.
Повторяем от слов: Святый безсмертный, помилуй нас, помилуй нас.
И затем ещё раз целиком от начала до конца.
|
|
На пасху, в праздники Рождества Христова, Богоявления, в Лазареву и Великую Субботы, во все дни Пасхальной Седмицы, в праздник Пятидесятницы вместо Трисвятого поётся: Елицы во Христа крестистеся, во Христа облекостеся, аллилуя.
В праздник Воздвижения Креста Господня и в Неделю Крестопоклонную поётся:
Кресту Твоему поклоняемся, Владыко, и святое Воскресение Твое славим.
Диакон: Вонмем
Иерей: Мир всем.
Чтец: И духови твоему.
Диакон: Премудрость.
Чтец: Прокимен глас… (и возглашает прокимен)
Хор: поет прокимен
Чтец: возглашает стих к прокимну
Хор: поет прокимен
Чтец: возглашает первую половину прокимна
Хор: допевает прокимен
Если не оказалось нот прокимна, можно спеть на универсальный мотив:
Диакон: Премудрость
Чтец: Деяний святых апостол чтение; или Соборного Послания Петрова (Иоаннова) чтение; или К римлянам (коринфянам, галатам и т.п.) послания святаго апостола Павла чтение.
Диакон: Вонмем
Чтец читает Апостол
Иерей: Мир ти
Чтец: И духови твоему.
Диакон: Премудрость.
Чтец: Аллилуия, аллилуия, аллилуия
Чтец: читает стих
Хор: второй раз поёт аллилуия
Чтец: читает стих
Хор: в третий раз поёт аллилуия
Диакон: Благослови, владыко, благовестителя святаго Апостола и Евангелиста
Иерей: Бог, молитвами святаго, славнаго, всехвальнаго Апостола и Евангелиста, имярек,да даст тебе глагол благовествующему силою многою, во исполнение Евангелия возлюбленнаго Сына Своего, Господа нашего Иисуса Христа.
Диакон: Аминь
Иерей: Премудрость, прости, услышим святаго Евангелия. Мир всем.
Диакон: От (имярек) Святаго Евангелия чтение
Иерей: Вонмем
Читается Евангелие
Иерей: Мир ти, благовествующему
Сугубая Ектения
Диакон: Рцем вси от всея души и от всего помышления нашего рцем
Диакон: Господи Вседержителю, Боже отец наших, молим Ти ся, услыши и помилуй
Диакон: Помилуй нас, Боже, по велицей милости Твоей, молим Ти ся, услыши и помилуй.
Далее так на каждое прошение
Диакон: Еще молимся о Великом Господине и отце нашем, Святейшем Патриархе (имярек), и о господине нашем преосвященнейшем митрополите (или архиепископе, илиепископе) (имя рек), и о всей во Христе братии нашей.
Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
…
На записках
Иерей: Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.
Иерей: Яко милостив и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.
Заупокойная ектения
Диакон: Помилуй нас, Боже, по велицей милости Твоей, молим Ти ся, услыши и помилуй.
Далее так на каждое прошение
…
Назаписках
Диакон: Милости Божия, Царства Небеснаго и оставления грехов их у Христа, безсмертнаго Царя и Бога нашего, просим.
Диакон: Господу помолимся
Иерей: Яко Ты еси воскресение и живот и покой усопших раб Твоих, имярек, Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.
Ектения оглашенных
Диакон: Помолитеся, оглашеннии, Господеви.
Диакон: Вернии, о оглашенных помолимся, да Господь помилует их.
Далее так на каждое прошение
Огласит их словом истины.
Открыет им Евангелие правды.
Соединит их святей Своей соборней и апостольстей Церкви.
Спаси, помилуй, заступи и сохрани их, Боже, Твоею благодатию.
Оглашеннии, главы ваша Господеви приклоните.
Иерей: Да и тии с нами славят пречестное и великолепое имя Твое, Отца, и Сына, и Святаго Духа, ныне и присно, и во веки веков.
Диакон: Елицы оглашеннии, изыдите, оглашеннии изыдите, елицы оглашеннии изыдите. Да никто от оглашенных, елицы вернии, паки и паки миром Господу помолимся.
(если без диакона поётся медленно)
Диакон: Заступи, спаси, помилуй и сохрани нас, Боже, Твоею благодатию.
(в обычном темпе)
Диакон: Премудрость.
Иерей: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.
Диакон: Паки и паки, миром Господу помолимся.
(если без диакона поётся медленно)
Диакон: О свышнем мире и спасении душ наших, Господу помолимся.
Далее так на каждое прошение
О мире всего мiра, благостоянии святых Божиих церквей и соединении всех, Господу помолимся.
О святем храме сем и с верою, благоговением и страхом Божиим входящих в онь, Господу помолимся.
О избавитися нам от всякия скорби, гнева и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Диакон: Премудрость
Иерей: Яко да под державою Твоею всегда храними, Тебе славу возсылаем, Отцу, и Сыну, и Святому Духу, ныне и присно, и во веки
веков.
Херувимская песнь
Диакон: Великаго господина и отца нашего (имярек), Святейшаго Патриарха Московскаго и всея Руси, и господина нашего преосвященнейшаго (имярек), митрополита (или архиепископа, егоже есть область), да помянет Господь Бог во Царствии Своем всегда, ныне и присно, и во веки веков.
Иерей: Преосвященныя митрополиты, архиепископы и епископы, и весь священнический и монашеский чин, причет святаго храма сего, и всех вас православных христиан, да помянет Господь Бог во Царствии Своем, всегда, ныне и присно, и во веки веков.
Просительная ектения
Диакон: Исполним молитву нашу, Господеви.
Далее так на каждое прошение
О предложенных Честных Дарех, Господу помолимся.
О святем храме сем, и с верою, благоговением и страхом Божиим входящих в онь, Господу помолимся.
О избавитися нам от всякия скорби, гнева и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Дне всего совершенна, свята, мирна и безгрешна, у Господа просим.
Ангела мирна, верна наставника, хранителя душ и телес наших, у Господа просим.
Прощения и оставления грехов и прегрешений наших, у Господа просим.
Добрых и полезных душам нашим, и мира мiрови, у Господа просим.
Прочее время живота нашего в мире и покаянии скончати, у Господа просим.
Христианския кончины живота нашего, безболезненны, непостыдны, мирны и добраго ответа на страшнем судищи Христове просим.
Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Щедротами Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно, и во веки веков.
Иерей: Мир всем.
Диакон: Возлюбим друг друга, да единомыслием исповемы.
Диакон: Двери, двери, премудростию вонмем.
Символ веры
Верую во единаго Бога Отца Вседержителя, /
Творца небу и земли, видимым же всем и невидимым./
И во единаго Господа Иисуса Христа, Сына Божия,/ Единороднаго, Иже от Отца рожденнаго прежде всех век./ Света от Света, Бога истинна от Бога истинна,/
рожденна, несотворенна, единосущна Отцу, Имже вся быша./ Нас ради человек и нашего ради спасения сшедшаго с небес/
и воплотившагося от Духа Свята и Марии Девы и вочеловечшася./
Распятаго же за ны при Понтийстем Пилате, и страдавша, и погребенна./
И воскресшаго в третий день по Писанием./
И возшедшаго на небеса, и седяща одесную Отца./
И паки грядущаго со славою судити живым и мертвым, Егоже Царствию не будет конца./
И в Духа Святаго, Господа, Животворящаго, Иже от Отца исходящаго, /
Иже со Отцем и Сыном спокланяема и сславима, глаголавшаго пророки./
Во едину Святую, Соборную и Апостольскую Церковь./ Исповедую едино крещение во оставление грехов./
Чаю воскресения мертвых,/
и жизни будущаго века./ Аминь.
Милость мира
Диакон: Станем добре, станем со страхом, вонмем, святое возношение в мире приносити.
Иерей: Благодать Господа нашего Иисуса Христа, и любы Бога и Отца, и причастие Святаго Духа, буди со всеми вами.
Иерей: Горе имеим сердца.
Иерей: Благодарим Господа.
Иерей: Победную песнь поюще, вопиюще, взывающе и глаголюще.
Иерей: Приимите, ядите, сие есть Тело Мое, еже за вы ломимое во оставление грехов.
Иерей: Пийте от нея вси, сия есть Кровь Моя Новаго Завета, яже за вы и за многия изливаемая, во оставление грехов.
Иерей: Твоя от Твоих Тебе приносяще, о всех и за вся.
Иерей: Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии.
Иерей: В первых помяни, Господи, великаго господина и отца…
… право правящих слово Твоея истины.
Иерей: И даждь нам единеми усты и единем сердцем славити и воспевати пречестное и великолепое имя Твое, Отца, и Сына, и Святаго Духа, ныне и присно, и во веки веков.
Иерей: И да будут милости великаго Бога и Спаса нашего Иисуса Христа со всеми вами.
Просительная ектения
Диакон: Вся святыя помянувше, паки и паки миром Господу помолимся.
далее так на каждое возглашение
О принесенных и освященных Честных Дарех, Господу помолимся.
Яко да человеколюбец Бог наш, прием я во святый и пренебесный и мысленный Свой жертвенник, в воню благоухания духовнаго, возниспослет нам Божественную благодать и дар Святаго Духа, помолимся.
О избавитися нам от всякия скорби, гнева и нужды, Господу помолимся.
Заступи, спаси, помилуй и сохрани нас, Боже, Твоею благодатию.
Дне всего совершенна, свята, мирна и безгрешна, у Господа просим.
далее так на каждое возглашение
Ангела мирна, верна наставника, хранителя душ и телес наших, у Господа просим.
Прощения и оставления грехов и прегрешений наших, у Господа просим.
Добрых и полезных душам нашим, и мира мiрови, у Господа просим.
Прочее время живота нашего в мире и покаянии скончати, у Господа просим.
Христианския кончины живота нашего, безболезнены, непостыдны, мирны, и добраго ответа на страшнем судищи Христове просим.
Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.
Иерей: И сподоби нас, Владыко, со дерзновением, неосужденно смети призывати Тебе, Небеснаго Бога Отца, и глаголати.
Иерей: Яко Твое есть Царство, и сила, и слава, Отца, и Сына, и Святаго Духа, ныне и присно, и во веки веков.
Иерей: Мир всем.
Диакон: Главы ваша Господеви приклоните.
Иерей: Благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно, и во веки веков.
Диакон: Вонмем.
Иерей: Святая святым.
и сразу без перерыва причастен
Причастны:
В воскресенье:
Хвалите Господа с небес, хвалите Его в вышних. Аллилуиа, аллилуиа, аллилуиа.
В понедельник:
Творяй Ангелы Своя духи, и слуги Своя пламень огненный. Аллилуиа, аллилуиа, аллилуиа.
Во вторник:
В память вечную будет праведник, от слуха зла не убоится. Аллилуиа, аллилуиа, аллилуиа.
В среду:
Чашу спасения прииму и имя Господне призову. Аллилуиа, аллилуиа, аллилуиа.
В четверг:
Во всю землю изыде вещание их, и в концы вселенныя глаголы их. Аллилуиа, аллилуиа, аллилуиа.
В пятницу:
Спасение соделал еси посреде земли, Боже. Аллилуиа, аллилуиа, аллилуиа.
В субботу:
Радуйтеся, праведнии, о Господе, правым подобает похвала. Аллилуиа, аллилуиа, аллилуиа.
За упокой:
Блажени, яже избрал и приял еси, Господи, и память их в род и род. Аллилуиа, аллилуиа, аллилуиа.
Далее происходит причащение священнослужителей в алтаре.
В это время читаются молитвы ко святому причащению
или
Исполняются концертные песнопения
И тако отверзаются двери святаго алтаря.
Диакон: Со страхом Божиим и верою приступите.
Иерей: Верую, Господи, и исповедую, яко Ты еси воистинну Христос, Сын Бога живаго, пришедый в мир грешныя спасти, от нихже первый есмь аз. Еще верую, яко сие есть самое пречистое Тело Твое, и сия есть самая честная Кровь Твоя. Молюся убо Тебе: помилуй мя и прости ми прегрешения моя, вольная и невольная, яже словом, яже делом, яже ведением и неведением, и сподоби мя неосужденно причаститися пречистых Твоих Таинств, во оставление грехов и в жизнь вечную. Аминь.
Вечери Твоея тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.
Да не в суд или во осуждение будет мне причащение Святых Твоих Таин, Господи, но во исцеление души и тела.
Далее причащение, во всё время причащения хор поёт:
по окончании причащения
Иерей: Спаси, Боже, люди Твоя, и благослови достояние Твое.
Иерей: Всегда, ныне и присно, и во веки веков.
Диакон: Прости приимше Божественных, святых, пречистых, безсмертных, небесных и животворящих, страшных Христовых Таин, достойно благодарим Господа.
(и без перерыва)
Заступи, спаси, помилуй и сохрани нас, Боже, Твоею благодатию.
(хор поёт сразу на оба возгласа))
День весь совершен, свят, мирен и безгрешен испросивше, сами себе и друг друга, и весь живот наш Христу Богу предадим.
Иерей: Яко Ты еси освящение наше, и Тебе славу возсылаем, Отцу, и Сыну, и Святому Духу, ныне и присно, и во веки веков.
Иерей: С миром изыдем.
(и без перерыва)
Диакон: Господу помолимся.
Иерей: Благословляяй благословящия Тя, Господи, и освящаяй на Тя уповающия, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего: Ты тех возпрослави Божественною Твоею силою, и не остави нас, уповающих на Тя. Мир мiрови Твоему даруй, церквам Твоим, священником, воинству и всем людем Твоим. Яко всякое даяние благо, и всяк дар совершен свыше есть, сходяй от Тебе Отца светов, и Тебе славу, и благодарение, и поклонение возсылаем, Отцу, и Сыну, и Святому Духу, ныне и присно, и во веки веков.
(и без перерыва)
33 псалом «Благословлю Господа…»
Приидите, чада, послушайте мене, / страху Господню научу вас. /
Кто есть человек хотяй живот, / любяй дни видети благи? /
Удержи язык твой от зла, / и устне твои, еже не глаголати льсти. / Уклонися от зла, и сотвори благо. / Взыщи мира, и пожени и. /
Очи Господни на праведныя, / и уши Его в молитву их. /
Лице же Господне на творящия злая,/ еже потребити от земли память их/
Воззваша праведнии, и Господь услыша их, / и от всех скорбей их избави их. /
Близ Господь сокрушенных сердцем, / и смиренныя духом спасет. / Многи скорби праведным, / и от всех их избавит я Господь. /
Хранит Господь вся кости их, / ни едина от них сокрушится. /
Смерть грешников люта, / и ненавидящии праведнаго прегрешат. / Избавит Господь душы раб Своих, / и не прегрешат вси, уповающии на Него.
Иерей: Благословение Господне на вас, Того благодатию и человеколюбием, всегда, ныне и присно, и во веки веков.
Иерей: Слава Тебе, Христе Боже, упование наше, слава Тебе.
Иерей: Воскресый из мертвых, Христос, истинный Бог наш, молитвами Пречистыя Своея Матере, святых славных и всехвальных Апостол, (и святаго, егоже есть храм, и святаго, егоже есть день), иже во святых отца нашего Иосифа, митрополита Курганскаго и Белозерскаго, святых праведных Богоотец Иоакима и Анны, и всех святых, помилует и спасет нас, яко благ и человеколюбец.
и господина нашего Высокопреосвященнейшаго Иосифа
Митрополита Курганскаго и Белозерскаго
Свято-Казанския Чимеевския обители
Священн-архимандрита,
Богохранимую страну нашу российскую
Братию и прихожан святаго храма сего и вся православные христианы
