В изложении монаха Авдия Гречанина для келейного (домашнего) чтения во всякое время.
Ведомо буди! Если нет в твоём доме (келье) этого образа — можно молиться пред любой другой иконой Божией Матери, но с верою в Её заступничество и не чуть в том не сомневаясь.
Таже ведомо буди! Перед началом всякого келейного (домашнего молитвенного чтения) правила и по окончании его кладётся седмипоклонный начал.
Бо́же, ми́лостив бу́ди мне гре́шному († с поклоном) [1] .
Бо́же, очи́сти мя гре́шнаго и поми́луй мя († с поклоном).
Созда́вый мя, Го́споди, поми́луй мя († с поклоном).
Без числа́ согреши́х, Го́споди, прости́ мя († с поклоном).
Влады́чице моя, Пресвята́я Богоро́дице, спаси́ мя гре́шнаго († с поклоном).
А́нгеле, храни́телю мой святы́й, от вся́кого зла сохрани́ мя († с поклоном).
Все́ святи́и, моли́те Бо́га о мне ((† с поклоном).
И молитву сию:
Бо́же, очи́сти мя гре́шнаго, я́ко николи́же бла́го сотвори́х пред Тобо́ю († и великий поклон) [2] , но изба́ви мя от лука́ваго, и да бу́дет во мне во́ля Твоя́ († и великий поклон), да неосужде́нно отве́рзу уста́ моя́ недосто́йная, и восхвалю́ и́мя Твое́ свято́е, Отца́ и Сы́на и Свята́го Ду́ха, ны́не и при́сно и во ве́ки веко́в, ами́нь († и великий поклон).
Затем, возже́гши свещу́, закади́в лада́н и осени́в себя́ Крестом, отло́жша все свои́ зе́мстии по́мыслы и дела́ со умиле́нием серде́чным глаголи сицева́я:
Во сла́ву Святы́я, Единосу́щныя и Нераздели́мыя Тро́ицы, Отца́, и Сы́на, и Свята́го Ду́ха, в че́сть же и похвалу́ Небе́сныя Цари́цы, Пречи́стыя Де́вы Богоро́дицы (†)
Под Твое́ благоутро́бие прибега́ем, Богоро́дице Де́во, моли́тв на́ших не пре́зри в ско́рбех, но от бед изба́ви нас, Еди́на чи́стая и благословенная (†)
Госпоже́, устне́ мои́ отве́рзеши и уста́ моя́ возвестя́т хвалу́ Твою́ (†)
Госпоже́ моя́, в по́мощь мою́ вонми́. Сла́ва Тебе́, сиро́т Ма́ти, сотвори́ нам ми́лостива Вседержи́теля Бо́га (†)
Моли́твами Богоро́дицы и святы́х оте́ц на́ших, Го́споди Иису́се Христе́ Бо́же наш, поми́луй нас. Аминь (†).
Сла́ва Тебе́, Бо́же наш, сла́ва Тебе́ (†).
Молитва Святому Духу [3]
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша (†).
Трисвятое [4]
Святы́й Бо́же, Святы́й Кре́пкий, Святы́й Безсме́ртный, поми́луй нас (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Молитва Пресвятой Троице
(†) Пресвята́я Тро́ице, поми́луй нас; (†) Го́споди, очи́сти грехи́ на́ша; (†) Влады́ко, прости́ беззако́ния на́ша; (†) Святы́й, посети́ и исцели́ не́мощи на́ша, (†) и́мене Твоего́ ра́ди. (Поклон малый)
Го́споди, поми́луй (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Молитва Господня
(†) О́тче наш, И́же еси́ на небесе́х Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. (Поклон малый)
Я́ко Твое́ есть Ца́рство и си́ла и сла́ва во веки. Аминь (†).
И тро́пари сея, гла́с 4:
К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем, от мно́жества прегреше́ний, не отврати́ Твоя́ рабы́ тщи, Тя бо и еди́ну наде́жду и́мамы. (†).
Сла́ва Отцу́ и Сы́ну и Свято́му Ду́ху: К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем, от мно́жества прегреше́ний, не отврати́ Твоя́ рабы́ тщи, Тя бо и еди́ну наде́жду и́мамы. (†).
И ны́не и при́сно и во ве́ки веко́в. Ами́нь. Не умолчи́м никогда́, Богоро́дице, си́лы Твоя́ глаго́лати, недосто́йнии: а́ще бо Ты не бы предстоя́ла моля́щи, кто бы нас изба́вил от толи́ких бед, кто же бы сохрани́л до ны́не свобо́дны? Не отсту́пим, Влады́чице, от Тебе́: Твоя бо рабы́ спаса́еши при́сно от вся́ких лю́тых (†).
Го́споди, поми́луй (12).
И а́бие глаго́ли исповеда́ние ве́ры, си́речь:
Символ Веры
1 Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым (†).
2 И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век (†).
3 Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша (†).
4 Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася (†).
5 Распя́таго же за ны при Понти́йстем Пила́те, и страда́вша, и погребе́нна (†).
6 И воскре́сшаго в тре́тий день по Писа́нием (†).
7 И возше́дшаго на Небеса́, и седя́ща одесну́ю Отца́ (†).
8 И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́ (†).
9 И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки (†).
10 Во еди́ну Святу́ю, Собо́рную и Апо́стольскую Це́рковь (†).
11 Испове́дую еди́но креще́ние во оставле́ние грехо́в (†).
12 Ча́ю воскресе́ния ме́ртвых, и жи́зни бу́дущаго ве́ка. Ами́нь (†).
И а́бие Богоро́дичны стихи́ры, гла́с 2:
Прииди́те, ве́рнии,/ воспое́м Всепе́тую Богоро́дицу,/ и, святы́й о́браз Ея́ обстоя́ще,/ Боже́ственная великодея́ния Ея́ просла́вим,/ и любо́вию рцем:/ ра́дуйся, покро́ве ми́ра,/ ра́дуйся, Отра́до и Утеше́ние скорбя́щих,/ ра́дуйся, Ма́ти Присноде́во,/ ро́ждшая Многоми́лостиваго Спа́са душ на́ших (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
Ка́ко по достоя́нию восхва́лим/ милосе́рдие Твое́, Влады́чице?/ Ты бо моли́твами Свои́ми/ отво́диши ту́чи гне́ва Бо́жия,/ грех ра́ди находящаго,/ и ма́терним дерзнове́нием утоля́еши/ преще́ние Сы́на Твоего́,/ Пра́веднаго всех Судии́/ и Многоми́лостиваго Спа́са душ на́ших (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
Я́ко радостотво́рная дуга́,/ по всеми́рном пото́пе положе́нная/ во о́блацех Созда́телем/ в зна́мение примире́ния Его́ с Свои́м созда́нием,/ ра́дуеши и Ты, Богоневе́сто,/ Го́рний и до́льний мир ве́чным примире́нием/ и не престае́ши утеша́ти рабы́ Твоя́,/ мир и спасе́ние низводя́щи/ от примири́вшаго Собо́ю вся́ческая,/ Многоми́лостиваго Спа́са душ на́ших (†).
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас.
Воспомина́ние творя́ще днесь/ ди́внаго и ужа́снаго зна́мения,/ явленнаго в Ватопе́дской оби́тели/ от ико́ны Твоея́, Влады́чице,/ мо́лимтися приле́жно:/ пода́ждь житию́ на́шему исправле́ние,/ я́ко да, во страсе́ Бо́жии пожи́вше,/ и́збранных ча́сти моли́твами Твои́ми/ сподо́бимся от Сы́на Твоего́,/ Многоми́лостиваго Спа́са душ на́ших (†).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Гла́с 7: Иде́же яви́тся заступле́ние Твое́, Влады́чице,/ та́мо стре́лы вра́жия сокруша́ются/ и си́ла сопроти́вных, я́ко дым, исчеза́ет,/ те́мже и со́нмище губи́телей а́бие исчезе́ от Ватопе́да,/ егда́ испроси́ся Тобо́ю проще́ние согреши́вшим,/ благода́рственная у́бо воспису́юще,/ уми́льно зове́м Ти, Чи́стая:/ не отста́ви и ны́не ми́лости Твоя́ от нас,/ да не реку́т врази́: несть избавля́яй их,/ но храни́ при́сно рабы́ Твоя́/ неулови́мы от ко́зней вра́жиих,/ моля́щися о проще́нии грехо́в,/ ми́ре и спасе́нии душ на́ших (†).
И стихо́вна Богоро́дицы, гла́с 2 Подо́бен: До́ме Евфра́фов…:
В ве́дении и неве́дении/ согреша́ем при́сно/ Тебе́, Дево, и Бо́гу,/ но не лиши́ ны, Пречи́стая,/ заступле́ния Твоего́, Богоро́дице (†).
Сти́х: Помяну и́мя Твое́/ во вся́ком ро́де и ро́де.
Умоли́ Сы́на Твоего́/ поми́ловати зде рабы́ Твоя́/ и на бу́дущем Суде́ Его́/ и му́ки изми́ ны/ Твои́м, Влады́чице, предста́тельством (†).
Стих: Слы́ши, Дщи, и ви́ждь,/ и приклони́ у́хо Твое́.
Ве́мы, я́ко мно́го мо́гут/ Твоя́ моли́твы/ ко из Тебе́ Ро́ждшемуся:/ негоду́юща бо грех ра́ди/ милосе́рда Того́ твори́ши Ты еди́на (†).
Сла́ва Отцу́ и Сы́ну и Свято́му Ду́ху
Гла́с 6: Ужасо́шася Ватопе́дстии и́ноцы,/ зря́ще на святе́й ико́не/ Богоро́дицу и Преве́чнаго Младе́нца:/ ка́ко иму́щая ма́тернее дерзнове́ние/ уклоне́нием лица́ Своего́/ от руки́ Сы́на Ея́ и Бо́га/ отклони́ от них пра́ведное Его́ преще́ние?/ Те́мже с тре́петом просла́виша Ма́терь щедро́т,/ Отра́ду рабо́в Ея́ и Утеше́ние (†).
И ны́не и при́сно и во ве́ки веко́в. Ами́нь († и поклон).
Гла́с 7: Иде́же яви́тся заступле́ние Твое́, Влады́чице,/ та́мо стре́лы вра́жия сокруша́ются/ и си́ла сопроти́вных, я́ко дым, исчеза́ет,/ те́мже и со́нмище губи́телей а́бие исчезе́ от Ватопе́да,/ егда́ испроси́ся Тобо́ю проще́ние согреши́вшим,/ благода́рственная у́бо воспису́юще,/ уми́льно зове́м Ти, Чи́стая:/ не отста́ви и ны́не ми́лости Твоя́ от нас,/ да не реку́т врази́: несть избавля́яй их,/ но храни́ при́сно рабы́ Твоя́/ неулови́мы от ко́зней вра́жиих,/ моля́щися о проще́нии грехо́в,/ ми́ре и спасе́нии душ на́ших (†).
Та́же:
Святы́й Бо́же, Святы́й Кре́пкий, Святы́й Безсме́ртный, поми́луй нас (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
(†) Пресвята́я Тро́ице, поми́луй нас; (†) Го́споди, очи́сти грехи́ на́ша; (†) Влады́ко, прости́ беззако́ния на́ша; (†) Святы́й, посети́ и исцели́ не́мощи на́ша, и́мене Твоего́ ра́ди. (Поклон малый)
Го́споди, поми́луй (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
(†) О́тче наш, И́же еси́ на небесе́х Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго. (Поклон малый)
Я́ко Твое́ есть Ца́рство и си́ла и сла́ва во веки. Аминь (†).
Го́споди, поми́луй (12).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Прииди́те, поклони́мся Царе́ви на́шему Бо́гу. (Поклон)
Прииди́те, поклони́мся и припаде́м Христу́, Царе́ви на́шему Бо́гу. (Поклон)
Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)
Псалом 142
Псало́м Дави́ду, егда́ гоня́ше его́ Авессало́м, сы́н его́
1 Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й 2 и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. 3 Яко погна́ враг ду́шу мою, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. 4 И уны́ во мне дух мой, во мне смяте́ся се́рдце мое́. 5 Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. 6 Возде́х к Тебе́ ру́це мои́, душа́ моя́, я́ко земля́ безво́дная Тебе́. 7 Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. 8 Слы́шану сотвори́ мне зау́тра ми́лость Твою, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. 9 Изми́ мя от враг мои́х, Го́споди, к Тебе́ прибего́х. 10 Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. 11 И́мене Твоего́ ра́ди, Го́споди, живи́ши мя, пра́вдою Твое́ю изведе́ши от пе́чали ду́шу мою́. 12 И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Аллилу́иа, аллилу́иа, аллилу́иа, сла́ва Тебе́, Бо́же (†)!
Го́споди, поми́луй (†).
Бог Госпо́дь…
Бог Госпо́дь, и яви́ся нам, благослове́н Гряды́й во И́мя Госпо́дне.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 1: Испове́дайтеся Го́сподеви, я́ко благ, я́ко в век ми́лость Его́.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 2: Обыше́дше обыдо́ша мя, и И́менем Госпо́дним противля́хся им.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 3: Не умру́, но жив бу́ду, и пове́м дела́Госпо́дня.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Сти́х 4: Ка́мень, Его́же небрего́ша зи́ждущии, Сей бы́сть во главу́ у́гла, от Го́спода бысть Сей, и есть ди́вен во очесе́х на́ших.
Припе́в: Бог Госпо́дь, и яви́ся нам, благослове́н Гряды́й во И́мя Госпо́дне.
Та́же тропари́ и конда́ки
Тропа́рь, гла́с 4 (3): К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний./ Не отврати́ Твоя́ рабы́ тщи,// Тя бо и еди́ну наде́жду и́мамы (†).
Ин тропа́рь, гла́с 4 (3): Яко покро́в благода́тный и спаси́тельный / стяжа́хом честну́ю Твою́ ико́ну, Богоро́дице, / на сию́ у́бо со умиле́нием взира́юще, Тебе́ вопие́м: / Влады́чице, ниспосли́ нам отра́ду и утеше́ние, / на Тя бо упова́ние возлага́ем, гре́шнии и смире́ннии. / На Твое́ предста́тельство наде́емся, недосто́йнии. / Ускори́ нас изба́вити от бед и скорбе́й / и умоли́ Сы́на Твоего́, Христа́ Бо́га на́шего, // поми́ловати и спасти́ ду́ши на́ша (†).
Сла́ва Отцу́ и Сы́ну и Свято́му Ду́ху.
Конда́к, гла́с 8: Взбра́нной Воево́де победи́тельная,/ я́ко изба́вльшеся от злы́х,/ благода́рственная воспису́ем Ти, раби́ Твои́, Богоро́дице,/ но, я́ко иму́щая держа́ву непобеди́мую,/ от вся́ких нас бед свободи́, да зове́м Ти: // Ра́дуйся, Неве́сто Неневе́стная (†).
И ны́не и при́сно и во ве́ки веко́в. Ами́нь († и поклон).
Ин конда́к, гла́с 6: Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас, ве́рно зову́щих Ти;/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя (†).
Го́споди, поми́луй (12).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Прииди́те, поклони́мся Царе́ви на́шему Бо́гу. (Поклон)
Прииди́те, поклони́мся и припаде́м Христу́, Царе́ви на́шему Бо́гу. (Поклон)
Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)
Псалом 50
¹ В коне́ц, псало́м Дави́ду, внегда́ вни́ти к нему́ Нафа́ну проро́ку, ² егда́ вни́де к Вирсави́и, жене́ Ури́еве
⁴ Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. ⁴ Наипа́че омы́й мя от беззако́ния моего́, и от греха́ моего́ очи́сти мя. ⁵ Яко беззако́ние мое́ аз зна́ю и грех мой предо мно́ю есть вы́ну. ⁶ Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. ⁷ Се бо в беззако́ниих зача́т есмь, и во гресе́х роди́ мя ма́ти моя́. ⁸ Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. ⁹ Окропи́ши мя иссо́пом, и очи́щуся, омы́еши мя, и па́че сне́га убелю́ся. ¹⁰ Слу́ху моему́ да́си ра́дость и весе́лие, возра́дуются ко́сти смире́нныя. ¹¹ Отврати́ лице́ Твое́ от грех мои́х, и вся беззако́ния моя́ очи́сти. ¹² Се́рдце чи́сто сози́жди во мне, Бо́же, и дух прав обнови́ во утро́бе мое́й. ¹³ Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. ¹⁴ Возда́ждь ми ра́дость спасе́ния Твоего́, и Ду́хом Влады́чним утверди́ мя. ¹⁵ Научу́ беззако́нныя путе́м Твои́м, и нечести́вии к Тебе́ обратя́тся. ¹⁶ Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твоей. ¹⁷ Го́споди, устне́ мои́ отве́рзеши, и уста́ моя́ возвестя́т хвалу́ Твою́. ¹⁸ Яко а́ще бы восхоте́л еси́ же́ртвы, дал бых у́бо, всесожже́ния не благоволи́ши. ¹⁹ Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. ²⁰ Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. ²¹ тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.
И а́бие зачина́ем пе́ть кано́н Богоро́дицы. Ирмосы́ — по два́щи
Кано́н Богоро́дицы
Гла́с 8:
Песнь 1
Ирмо́с: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопи́яше:/ Изба́вителю и Бо́гу на́шему пои́м.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Бо́жиею благода́тию озари́ мя, Богоблагода́тная,/ благогове́йно пе́ти пред свято́ю ико́ною Твое́ю/ Тебе́, необори́му Засту́пницу и держа́ву неразруши́му ста́да Твоего́.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Тя, Всенепоро́чная, и́мамы предста́тельство, Отра́ду же и Утеше́ние./ Сего́ ра́ди, сла́вяще бла́гость Твою́, моли́мтися: поми́луй нас.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Храни́тельница су́щи Горы́,/ наше́дшим разбо́йником на оби́тель Ватопе́дскую/ не предала́ еси́, Госпоже́, рабо́в Твои́х в ру́ки вра́жия.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Кто подо́бен Тебе́, Де́во, сла́вно творя́щая чудеса́?/ Наста́вив бо и́ноки пра́вдою Сы́на Твоего́, е́же боя́тися Его́,/ изба́вила и уте́шила еси́ их кре́постию Твое́ю.
Припе́в: Сла́ва Отцу́ и Сы́ну и Свято́му Ду́ху (†).
Враче́вско[5] есть е́же ре́зати и же́щи, здра́вия вино́вное,/ но Ты нас, Сы́не Бо́жий, мя́гкими лечба́ми щедро́т Твои́х уврачу́й,/ Ма́тере Твоея́ мольба́ми.
Припе́в: И ны́не и при́сно и во ве́ки веко́в. Ами́нь (†).
Услы́ши, Блага́я, мольбы́ христоимени́тых люде́й,/ при́зри на озлобле́ние утесня́емых,/ виждь сле́зы су́щих в ско́рбех/ и умилосе́рдитися потщи́ся на рабы́ Твоя́.
Катава́сия: Отверзу уста моя, / и наполнятся Духа, / и слово отрыгну Царице Матери, / и явлюся, светло торжествуя, / и воспою, радуяся, Тоя чудеса.
Песнь 3
Ирмо́с: Ты еси́ утвержде́ние/ притека́ющих к Тебе́, Го́споди,/ Ты еси́ Свет омраче́нных,/ и пое́т Тя дух мой.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Под кров Твой притека́ем, лю́дие Твои́,/ Засту́пница буди́ нам, Влады́чице,/ подаю́щи отра́ду и утеше́ние пою́щим Тя.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Возвесели́шася ватопе́дцы о спасе́нии Твое́м, Де́во,/ немощству́ющих бо препоя́сала еси́ си́лою/ на прогна́ние разбо́йников.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Не преста́й, Всеми́лостивая Госпоже́, спаса́ти рабы́ Твоя́ от неча́емых напа́стей,/ да благода́рственно сла́вим Тя.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Моли́, Богороди́тельнице, е́же изба́витися нам вся́каго гне́ва и преще́ния Бо́жия,/ Тебе́ почита́ющим.
Припе́в: Сла́ва Отцу́ и Сы́ну и Свято́му Ду́ху (†).
Хода́таица благоприя́тная и си́льная к Бо́гу,/ прегреше́ний оставле́ние испроси́ нам у Него́, Богоневе́сто.
Припе́в: И ны́не и при́сно и во ве́ки веко́в. Ами́нь (†).
Смертоно́сных неду́гов душе́вных и теле́сных изми́ ны, Влады́чице,/ ве́чнующую Жизнь ми́ру ро́ждшая.
Катава́сия: Твоя песнословцы, Богородице, / живый и независтный Источниче, / лик себе совокупльшия, духовно утверди, / в божественней Твоей славе / венцев славы сподоби.
И стихиры сия:
Спаси́ от бед рабы́ Твоя́, Богоро́дице, я́ко вси по Бо́зе к Тебе́ прибега́ем, я́ко неруши́мей стене́ и предста́тельству (†).
При́зри благосе́рдием, всепе́тая Богоро́дице, на мое́ лю́тое телесе́ озлобле́ние, и исцели́ души́ моея́ боле́знь (†).
Го́споди, поми́луй (3).
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь († и поклон).
Конда́к, глас 8:
Взбра́нной Воево́де победи́тельная,/ я́ко изба́вльшеся от злых,/ благода́рственная воспису́ем Ти, раби́ Твои́, Богоро́дице,/ но я́ко иму́щая держа́ву непобеди́мую,/ от вся́ких нас бед свободи́, да зове́м Ти:/ Ра́дуйся, Неве́сто Неневе́стная (†).
И́кос: А́нгели Тя, Ма́терь Бо́га на́шего, пе́сньми славосло́вят,/ и мы земни́и воспева́ем ра́достно, Тебе́ вопию́ще:/ ра́дуйся, Светода́вца селе́ние,/ Е́юже лучи́ спасе́ния ми́рови возсия́ша;/ ра́дуйся, Обра́дованная, Е́юже исполня́емся Боже́ственнаго весе́лия./ Ра́дуйся, две́ре Восто́ка,/ от врат смертоно́сных греха́ нас отводя́щая;/ ра́дуйся, свети́льниче пресве́тлый,/ просвеща́яй омраче́нных./ Ра́дуйся, бе́здно Бо́жия к нам человеколю́бия;/ ра́дуйся, цены́ вся́кия превы́сший дар,/ нам от Бо́га дарова́нный./ Ра́дуйся, я́ко и́маши ве́лие к Нему́ дерзнове́ние;/ ра́дуйся, стра́же Афо́на и та́мо обита́ющих Храни́тельнице./ Ра́дуйся, всекре́пкая стенд, е́юже сохраня́емся необори́мы враги́ христиа́нскими;/ ра́дуйся,я́зво неви́димых враго́в и от них уязвля́емых врачева́ние./ Ра́дуйся, безси́льных си́ло и по́моще безпо́мощных;/ ра́дуйся, Отра́до и Утеше́ние скорбя́щих./ Ра́дуйся, Неве́сто Неневе́стная (†).
Седа́лен:
Ви́димыми и неви́димыми враги́ окружа́емии,/ к Тебе́, Де́во, прибега́юще, зове́м:/ не удали́ по́мощь Твою́ от нас, я́коже от и́ноков ватопе́дских не удали́ла еси́,/ но держа́вною си́лою Твое́ю побори́ борю́щия ны,/ ми́рное и Богоуго́дное житие́ нам устроя́ющи (†).
Сла́ва Отцу́ и Сы́ну и Свято́му Ду́ху (†).
Па́ки то́йже: Ви́димыми и неви́димыми враги́ окружа́емии,/ к Тебе́, Де́во, прибега́юще, зове́м:/ не удали́ по́мощь Твою́ от нас, я́коже от и́ноков ватопе́дских не удали́ла еси́,/ но держа́вною си́лою Твое́ю побори́ борю́щия ны,/ ми́рное и Богоуго́дное житие́ нам устроя́ющи (†).
И ны́не и при́сно и во ве́ки веко́в. Ами́нь (†).
И па́ки то́йже: Ви́димыми и неви́димыми враги́ окружа́емии,/ к Тебе́, Де́во, прибега́юще, зове́м:/ не удали́ по́мощь Твою́ от нас, я́коже от и́ноков ватопе́дских не удали́ла еси́,/ но держа́вною си́лою Твое́ю побори́ борю́щия ны,/ ми́рное и Богоуго́дное житие́ нам устроя́ющи († и поклон).
Песнь 4
Ирмо́с: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Убо́я́ся се́рдце игу́мена в моли́тве усте́н его́/ от гла́са Твоего́, Богома́ти, и преще́ния Сы́на Твоего́,/ и смяте́ся кре́пость его́, возвеще́ну бы́вшу нападе́нию от разбо́йников.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Внегда́ смути́тися Ватопе́ду во гне́ве Твое́м, Го́споди,/ ми́лость Твою́ помяну́л еси́ предста́тельством Присноде́вы,/ от Нея́же яви́лся еси́ на спасе́ние люде́й Твои́х.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Не преда́ждь в ру́ки враго́в насле́дие Твое́, Чи́стая,/ да некогда́ реку́т:/ где есть Богороди́тельница, на Ню́же упова́ша?/ но не вре́дно и ненаве́тно соблюди́ ста́до Твое́.
Припе́в: Сла́ва Отцу́ и Сы́ну и Свято́му Ду́ху (†).
Свято́му о́бразу Твоему́ припа́дающе, мо́лим Тя:/ разори́ сове́ты хотя́щих нам зла́я и живо́т наш напра́ви твори́ти в ми́ре Боже́ственную во́лю Сы́на Твоего́.
Припе́в: И ны́не и при́сно и во ве́ки веко́в. Ами́нь (†).
Во искуше́ниих буди́ нам, Влады́чице, спаси́тельное прибе́жище,/ в боле́знех врачева́ние,/ во обурева́нии ти́хое приста́нище/ и в ско́рбех Отра́да и Утеше́ние.
Катава́сия: Седяй в славе / на Престоле Божества / во облаце легце, / прииде Иисус пребожественный, / нетленною дланию / и спасе зовущия: / слава, Христе, силе Твоей.
Песнь 5
Ирмо́с: Вску́ю мя отри́нул еси́/ от лица́ Твоего́, Све́те Незаходи́й,/ и покры́ла мя есть чужда́ тьма, окая́наго?/ Но обрати́ мя и к све́ту за́поведей Твои́х/ пути́ моя́ напра́вимолю́я.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Сте́ну тве́ду и столп непоколеби́м Тя имать Гора́ в наше́ствиих ва́рварских:/ студа́ бо исполня́еши вра́жия ли́ца/ и возвраща́тися твори́ши им вспять тще́тным и безде́льным, Влады́чице.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Ма́тернее промышле́ние о су́щих в Горе́ иму́щей Ти,/ стра́ха ра́ди Сы́на Твоего́, Де́во, поболе́ Ватопе́д, уве́дев о разбо́йницех,/ и роди́ дух спасе́ния предста́тельством Твои́м, Преблагослове́нная.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Я́ко же настоя́теля Ватопе́дскаго, по у́трени бде́вша и моли́вшася,/ наста́вила еси́, Блага́я, ка́ко спасти́ся от напа́сти,/ та́ко и нам пода́ждь тща́ние от но́щи у́треневати к Бо́гу/ и ко спасе́нию наста́ви ны, избавля́ющи от всех бед.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Я́ко же запрети́ла еси́, Госпоже́, отверза́ти врата́/ гото́вой су́щей поги́бели от враго́в,/ та́ко положи́ в нас благода́тную дверь огражде́ния,/ да не обря́щется вхо́да всезло́бным губи́телем и их пле́велом.
Припе́в: Сла́ва Отцу́ и Сы́ну и Свято́му Ду́ху (†).
Я́ко же повеле́ла еси́, Влады́чице, возше́дше на сте́ны, разгна́ти разбо́йники,/ та́ко укрепи́ бы́ти нам на четверосте́нии му́жества и пра́вды, му́дрости и целому́дрия,/ да отража́ем борю́щия ны.
Припе́в: И ны́не и при́сно и во ве́ки веко́в. Ами́нь (†).
Я́ко же уми́лостивила еси́, Де́во, Сы́на Твоего́, прогне́вавшася на су́щия в Ватопе́де,/ та́ко умилостивля́й Его́ о нас, во мно́гия грехи́ впада́ющих,/ мно́го бо мо́жет моле́ние ма́тернее ко благосе́рдию Влады́ки.
Катава́сия: Ужасошася всяческая / о божественней славе Твоей: / Ты бо, Неискусобрачная Дево, / имела еси во утробе над всеми Бога / и родила еси Безлетнаго Сына, / всем воспевающим Тя / мир подавающая.
Песнь 6
Ирмо́с: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Возвеща́юще Ти печа́ли на́ша, мо́лимтися, Ма́ти Бо́жия:/ обвесели́ благода́тию Твое́ю скорбя́щих сердца́, всех Раосте,/ и от тли возведи́ ны.
Припе́в: Пресвята́я Госпоже́ Богоро́дице, услы́ши моли́тву ра́б Свои́х, моля́щих Ти́ ся́ и спаси́ нас (†).
Не стяжа́хом на земли́ ино́го утеше́ния и кре́пкаго заступле́ния,/ ра́зве Тебе́, Всеблага́я,/ покры́й у́бо от вся́каго зла любо