Преподобный Роман Сладкопевец
Кондак в день Пятидесятницы
Содержание
Церковнославянский текст Триоди Цветной
Церковнославянский перевод П. П. Мироносицкого.
Русский перевод диак. Сергия Цветкова.
Русский перевод М. Зеленого
Русский перевод иером. Амвросия (Тимрота) (только текст Триоди)
Русский перевод сайта Pravoslavie.ru (только кондак-проимий)
Русский перевод и объяснение церковно-славянского текста Н.Афанасьевой.
Церковнославянский текст Триоди Цветной
Кондак, глас 8:
Егда снизшед языки слия, / разделяше языки Вышний, / егда же огненныя языки раздаяше, / в соединение вся призва, / и согласно славим Всесвятаго Духа.
Икос: Скорое и известное даждь утешение рабом Твоим Иисусе, / внегда унывати духом нашим, / не разлучайся от душ наших в скорбех, / не удаляйся от мыслей наших во обстояниих, / но присно нас предвари. / Приближися нам, приближися везде Сый, / якоже со апостолы Твоими всегда еси, / сице и Тебе желающим соедини Себе Щедре: / да совокуплени Тебе поем, / и славословим Всесвятаго Духа Твоего.
Церковнославянский перевод П. П. Мироносицкого.
1. Егда снизшéд языки слия, разделяше языки ВышниѻБыт. 11:9: Сего ради наречеся имя его смешение (Вавилон) яко тамо смеси Господь устна всея земли и оттуду разсея их по лицу всея земли.. Егда же óгненныя языки раздаяше, в соединéние вся призва, и согласно славим Всесвятаго Духа.
2. Скорое и известноѻ Известное, т. е. твердое, надежное. даждь утешéние рабом Твоим, Иисусе, внегда унывáти духóм нашим. Не разлучайся от душ наших в скóрбех, не удаляйся от мыслей наших во обстояниих, но присно нас предвари, прибли́жися везде Сый. Якоже со Апостолы всегда был еси, сице и Тебе желающим соедини Себе, Щедре, да совокýпльшеся Тебе, поем и славим Всесвятаго Духа.
3. Не разлучился еси, Спасе, от ученик Твоих тогда возшед на небеса, ибо в гóрняя достигнув, дóльняя содержи́ши. Ни едино бо место есть без Тебе, Невместимый: аще бо и будет, погибнет и упразднится, и яко Содóм явится. Ты бо всяческая уставляеши вся держай. Тя убо и Апостоли имеяху в душáх: темже от Елеóна Тебе вознéсшуся, в той час схождаху, ликующе и глаголюще: скоро нам посли́ Всесвятаго Духа.
4. Возвратишася в радости от Елеóна единиинáдесять ученицы. Лука же сие пишет священнотаи́нник: яко во Иерусалим возвратишася, в гóрницу же взыдóша идеже пребывáху и вшéдше седоша, Петр и прóчии ученицы, от нихже Кифа, яко начинáяй, рече к ним: рачи́телие Царствия, горе имеим сердцá к Обещáвшему и Глагóлавшему: Аз вам послю Всесвятаго Духа.
5. Сия рек Петр тогда Апостолом, на молитву собра и став посреде их возопи глаголя: помóлимся, просяще, колена преклóним, сию обитель церковь сотворим, есть бо и мóжет. Восплáчим и воззовéм к Богу: посли́ нам Духа Твоего Всеблагáго, да настáвит всех на землю Твою прáвую, юже еси уготóвал чтýщим и славослóвящим Всесвятаго Духа.
6. Слышавше же абие сýщии с ним, звáннии, собрашася вкýпе, яко к пáстырю áгнцы, словом привлечéни, молчаще, подглашáху о нихже моляхуся, и Вседержителю возсылаху молéния яко сия: Ангелов Владыце и Цареви человек Повелителю и Содетелю сущая на земли и в мóри. Единым мановением держащему дрýзи и раби Твои вопиют Тебе: скоро нам посли́ Всесвятаго Духа.
7. Скончавше убо áбие прошения своя подписáша я, запечатлевше верою, и горе послáшѻОбраз взят из области юридической: молитвы, призывания Святаго Духа, представлены как прошения, написанныя и подписанныя молящимися, запечатанныя печатью веры и посланныя Владыке и Царю, Который приемля, читает их и ответствует... Прочтé же сия Учитель и глагóлаше: Дýше самовлáстный, не яко повелевáемый, но яко хóщеши, сни́ди. Тя бо уже ожидают ученицы, ихже Аз собрах и наказáх глагóля: научи́те языки, Отца возвещающе, и Сына чтуще, и воспевающе Всесвятаго Духа.
8. Услыша, яко Бог, Утешитель тогда просящих Его и се постигáет я молящыяся, ни откýдуже отступáяй, Несказáнный, схождéние бо сие не прехождéние бысть, и не остави умалéния: горе бо бе, и бе дóлу, и повсюду. Божественное естество Сый, неизреченный и неосязный, очесы не зрится, верою же разумевáется, рукáми не удержавáется, сердцáм же верным прикасáется Всесвятый Дух.
9. Испóлнившейся Пятидесятнице, бяху сóбрани вкупе, пребывáюще в молитвах единиинáдесять ученицы, и якоже глагóлет Деяний чтение: внезáпу, яко глас дыхания бýрна, шум бысть с небесé и испóлни весь доѻДеян. 2:1–2., пáче же и устраши́ возлюбленныя ученики. Темже видяще дом, якоже корабль колéблемь, вопияху: о Господи! укроти бýрю и посли́ Всесвятаго Духа.
10. Мняще мýдрии, яко гóрница вся разруши́ся дыхáнием, вси в стрáсе затвориша óчи своя, и се бысть иное ужáснейшее, и к страху пéрвому вторый трéпет наведóша последующая чудесá: языцы бо óгненнии в той час явишася и на главах держáхуся возлюбленных ученик, и не опаляхуся власы, но просвещáхуся мысли их, ко очищéнию бо и ко обновлéнию послá языки сия Всесвятый Дух.
11. Видев вся бывшая Петр возопи́: братие, почти́м яже зрим! Да не испытýим сия, нижé да речет кто: что есть зримое? Превосхóдит бо мысль и побеждáет ум сие совершáемое – дух и огнь сопрягóшася – о вернаго чудесé! Дохновéние и плáмя соедини́шася – о страшнаго видения! Посреде ветр – светильницы, посреде же росы – искры! Кто виде? кто слыша? кто может изрещи́, еже подает Всесвятый Дух.
12. Вы убо возлюбленнии, стóйте, дóбре ви́дите огнь, егоже с высоты посла Сущий на высóких. Не бóйтеся, ибо углие сие не опаляет! Не страши́теся, ибо огнь сей не сожигáет! Но яко мýдри помяни́те, кáко дрéвле огнь прият три óтроки, кáко не опалишася телеса их, нижé влас единый: кáко пещь, триех приявшая четыри показа я, с ли́хвою отдадé яже прият, яко убояся Всесвятаго Духа.
13. Да отри́нет убо ки́йждо в нас, братие, ныне страх из души́, и любовь да яви́т к Вознесшемуся, яко тако возлюби ихже призва, вся бо, яже всем предречé, ныне исполни и якоже рече сотвори. Что убо устрашáемся неопáльнаго плáмене? Рóзы огнь сей да мним, еже и есть: на главы бо наша, яко цвети, возложи́шася, имиже увенчá нас и украси́ и озари́ Всесвятый Дух.
14. Яко глагóла сия Кифа всем Апостолом, пребысть в молчáнии, и купно с ними приéмлет Святаго Духа. Посем бо прииде, якоже напи́сано, употребив, яко предтéчи своя два чýда, си́есть огня и дýхѻТ. е. дуновения ветра., подобáше бо прéжде Дýха чýду предыти́, подобáше прéжде крещéния дýху предтещи́ и провещати ми́рови, якоже трубóю гласящею, яко хотением и волею прииде на землю Всесвятый Дух.
15. Вéлия быша и ужáсна вся бывшая, и мысли всех изуми́ша: внезáпу бо испóлнившиися Духа беседоваху к слышашим, и слышани бяху: Римляном не яко Вáрвари, Пáрфяном, яко подóбни, и Ми́дяном, яко свои́, Елами́том явишася, яко благоглагóливи, Арáвляном быша, яко разумевáеми зелó, Аси́аном же и Фриги́аном благоглáсни и ясноречи́ви и всем языком вещáху, якоже им подобáше Всесвятый Дух.
16. Но егдá ви́деша я, языки глагóлющыя всеми вси бывшии тáмо удивишася вопиюще: что сие хóщет быти? Галилéане суть Апостоли си́и, и кáко же видим, яко всем языком срóдницы являются? Когда сей Кифа-Петр живяше во Египте? когда же Андрей виде Месопотамию? сынове Зеведéовы кáко узреша Памфили́ю? Кáко вся сия уразумеем, кáко изречéм? Убо тáко бысть, якоже хóщет Всесвятый Дух.
17. Вчера рыбарие, ныне мудрецы явишася, прéжде при брéзех морских стоящии, ныне вети́я и красноречиви, прежде завязующии мрéжи своя, ныне разрешáют ри́торская плетéния. Темже прихóдят с глагóлом простейшим, едино бо слово глагóлют вместо многих, Единаго Бога проповедуют не со мнóгими бóги, Единому, яко единому, покланяются непостижи́мому Отцу, единосýщному Сыну, нераздельному и соестéственному Всесвятому Духу.
18. Воспои́м, братие, языки ученик яко не слóвом украшéнным, но силою Божественною уловишѻЗдесь и в дальнейшем песнопевец пользуется образами рыболовства: трость (удилище), нить (леска), удица (удочка) и уловление (призвание). вся. Крест бо Его яко трóсть прияша, глаголы же яко нити употребиша и весь мир привлекóша. Слово имяху, яко уди́цу острý, плоть же всех Господа прияша, яко уловлéние, не к смерти уловляющее, но к жизни влекýщее почитающих и славословящих Всесвятаго Духа.
Источник: Преподобнаго Романа Сладкопевца, Кондак на Святую Пятидесятницу. / Пер. с греч. П. Мироносицскаго. // «Приходское чтение». – СПб. – 1914 г. – № 3. – С. 81–86. (Безплатное приложение к № 21 неоффициальной части «Церковных Ведомостей».)